Movie Review Uriyadi 2: உறியடி 2 திரைவிமர்சனம்

Movie Review Uriyadi 2: உறியடி 2 திரைவிமர்சனம்

உறியடி முதல் பாகம் மூலம் இயக்குனர் நடிகராக அறிமுகமானவர் விஜய் குமார். முதல் பாகம் சரியாக ஓடவில்லை என்றாலும் அனைவர் மத்தியிலும் பேசப்பட்டது.

இரண்டாவது படம் உறியடி 2. முதல் பாகத்திற்கும் இரண்டாவதும் பாகத்திற்கு உள்ள ஒரே ஒற்றுமை லெனின் விஜய் என்ற விஜய் குமாரின் கதாப்பாத்திரம் மட்டுமே.

மற்றபடி அதில் இருந்த எந்த ஒரு தொடர் பாத்திரம் இல்லை. படம் முழுவதும் ஸ்டெர்லைட் ஆலை போன்ற ஒரு ஆலை பற்றிய படம்.

நேரடியாகவே தூத்துக்குடி என எடுத்திருக்கலாம். சுற்றி வளைத்து வேறொரு தொழிற்சாலை போன்று சொன்னது ஒரு சிறிய உறுத்தல்.

ஸ்டெர்லைட் போன்ற ஆலைக்கு அருகில் இருந்த மக்கள் எந்த அளவிற்கு பாதிக்கப்பட்டனர் என்பதை நேரில் சென்று பார்த்த அனுபவத்தை இப்படம் கொடுத்துள்ளது.

உறியடி என இந்தப் படத்தின் தலைப்பு வைத்ததால் நிச்சயம் முதல் பாகத்தை ஒப்பிடாமல் இருக்க முடியவில்லை.

அந்தப் படத்தில் இருந்த எதார்த்த மற்றும் தத்ரூபமான திரைக்கதை அமைப்பு இந்தப் படத்தில் மிஸ்ஸிங்.

கிளைமேக்ஸ் காட்சிகள் முற்றிலும் சினிமாடிக்காக அமைந்துவிட்டது. இதனால் அந்த முதல் பாகத்தைவிட இப்படம் கொஞ்சம் சுமாராகவே உள்ளது.

இருப்பினும் இந்தப்படம் நிச்சயம் அனைவரும் பார்க்கவேண்டிய படமே.