Chiranjeevi Sarja Last Rites; கண்ணீர் விட்டு கதறி அழுத அர்ஜூன்: சிரஞ்சீவி சார்ஜா உடல் அடக்கம்! ஆக்ஷன் கிங் அர்ஜூனின் உறவினரும், நடிகருமான சிரஞ்சிவீ சார்ஜாவின் இறுதி ஊர்வலம் நடந்து அவரது உடல் அடக்கம் செய்யப்பட்டுள்ளது.
சிரஞ்சீவி சார்ஜாவின் இறுதி ஊர்வலத்தின் போது ஆக்ஷன் கிங் அர்ஜூன் கண்ணீர்விட்டு கதறி அழுதுள்ளார்.
ஆக்ஷன் கிங் அர்ஜூனின் உறவினரும், நடிகை மேக்னா ராஜின் கணவரும் நடிகருமான சிரஞ்சீவி சார்ஜா பெங்களுருவில் பிறந்தவர். 4 ஆண்டுகளாக அர்ஜூனிடம் உதவி இயக்குநராகவும் பணியாற்றியுள்ளார்.
வாயுபுத்ரா என்ற படத்தின் மூலம் கன்னட திரையுலகில் நடிகராக அறிமுகமாகியுள்ளார். இதுவரை 19 க்கும் அதிகமான படங்களில் நடித்துள்ளார். இவரது நடிப்பில் உருவாகியுள்ள ராஜமார்தாண்டா படத்தின் போஸ்ட் புரோடக்ஷன் பணிகள் நடந்து வருகின்றது.
இந்த நிலையில், நேற்று பிற்பகலில் மாரடைப்பு ஏற்பட்ட நிலையில், பெங்களூருவில் உள்ள ஜெயநகர் அப்போலோ மருத்துவமனையில் சிகிச்சைக்காக அனுமதிக்கப்பட்டுள்ளார்.
ஆனால், அங்கு சிகிச்சை பலனின்றி பிற்பகல் 3.48 மணிக்கு உயிரிழந்துள்ளார். 39 வயதான சிரஞ்சீவி சார்ஜாவின் மறைவு சினிமா வட்டாரத்தில் பெரும் அதிர்ச்சியை ஏற்படுத்தியுள்ளது.
இதையடுத்து, அவரது உடல் அஞ்சலிக்காக வைக்கப்பட்டது. பின்னர், இறுதி ஊர்வலம் செய்யப்பட்டு, பண்ணை வீட்டில் உடல் அடக்கம் செய்யப்பட்டது.
சிரஞ்சீவி சார்ஜாவின் மறைவு தாங்க முடியாமல், அர்ஜூன் கண்ணீர் விட்டு கதறி அழுதுள்ளார். இறுதி ஊர்வலத்தின் போது எடுக்கப்பட்ட வீடியோ சமூக வலைதளங்களில் பகிரப்பட்டுள்ளது.
