உறியடி 2 – ஜாதி இயக்குனர்களுக்கு மத்தியில் மாறுபட்ட இயக்குனர், உறியடி விஜய் குமார்.
உரியடி 2016-ல் வெளிவந்த திரைப்படம். புதுமுகங்களுடன் வெளிவந்த படம். விஜய்குமாரே எழுதி, இயக்கி, தயாரித்தார். பத்திரிகையாளர்கள் காட்சி திரையிடப்பட்டவுடன் அனைவரின் பாராட்டையும் பெற்றார்.
படமும் ரசிகர்கள் மத்தியில் நல்ல வரவேற்பை பெற்றது. இப்படத்தை இணையதளங்கள் மூலம் பார்த்தவர்கள் ஏராளமானோர். அந்த அளவிற்கு படத்தின் தாக்கம், இளைஞர்களை சுண்டி இழுத்தது.
உறியடி படத்திற்கு புதுமுக இயக்குனர் விருது கொடுத்து ஆனந்த விகடன் இதழ், விஜய்குமாரை சிறப்பித்தது.
தற்பொழுது விஜய்குமார், உறியடி படத்தின் இரண்டாம் பாகத்தை இயக்க உள்ளார். சூரியாவின் 2D எண்டர்டெயின்மென்ட், இப்படத்தை தயாரிக்க உள்ளது. படத்தின் பர்ஸ்ட் லுக் இன்று வெளியிடப்பட்டுள்ளது.
விஜய்குமாரின் படங்கள் மட்டுமல்ல, அவருடைய சிந்தனைகளும் ஜாதி ஏற்றதாழ்வுகளை உடைப்பதே. அதற்காக எந்த ஜாதியையும் உயர்த்திப் பிடிக்கவில்லை. அனைத்து ஜாதிகளும் அழிய வேண்டும் என்பதுதான் விஜய் குமார் எண்ணம்.
உறியடி இரண்டாம் பாகமும், உண்மை சம்பவங்களையும், சமூக அவலங்களையும் அடிப்படையாக கொண்டு எடுக்கப்பட வாய்ப்பு உள்ளது.
சூரியாவின் 2D எண்டர்டெயின்மென்ட். சமூக அக்கறையும், சீரிய சிந்தனைகள் கொண்ட இயக்குனர்களை ஊக்குவிப்பதை மீண்டும் ஒருமுறை நிரூபித்துள்ளது.
