ரஜினி ஸ்டைலில் கலக்கும் விக்ரம். ஆறுச்சாமி திரும்பி வந்துட்டேன்னு சொல்லு என ரஜினி பாணியில் ட்விட்டரில் ட்ரெண்டிங் ஆகி வருகிறார் விக்ரம்.
சாமி, 2003-ல் வெளிவந்த சூப்பர்ஹிட் படம். அதன் பிறகு சாமி 2-ம் பாகம் எடுக்க முயன்றார் ஹரி. ஆனால், சில காரணங்களால் படம் ட்ராப்பாகியது.
சாமி 2 படத்தின் கதையில் சில மாற்றங்கள் செய்து, சிங்கம் படமாக வெளிவந்தது. இப்படம் பிளாக்பஸ்டர் ஹிட். சிங்கம் படம் இதுவரை மூன்று பாகங்கள் வெளிவந்து விட்டது.
இத்தனை வருடங்கள் கழித்து, சாமி 2 படத்தின் கதையை மீண்டும் உருவாக்கி உள்ளார் ஹரி. இப்படம் நாளை வெளியாக உள்ளது. சாமி 2 நிச்சயம் ரசிக்கும் படியாக இருக்கும் என ஹரி நம்பிக்கை தெரிவித்துள்ளார்.
#AaruSaamyReturnsFromTomorrow என டிவிட்டரில் விக்ரமின் கதாப்பாத்திரம் ட்ரெண்ட் ஆகி வருகிறது. இந்த ஹாஸ்டாக் ரஜினியின் கபாலி பட வசனத்தை மீண்டும் ஞாபகப்படுத்தியுள்ளது.
வந்துட்டேனு சொல்லு, 15 வருசத்துக்கு முன்னாடி எப்படி போனேனோ, அப்டியே ஆறுச்சாமி திரும்ப வந்துட்டேன்னு சொல்லு என மாஸாக விக்ரம் ட்ரெண்டாகி வருகின்றார்.
