Chiyaan Vikram; டுவிட்டரில் டிரெண்டாகும் கலையுலக பிதாமகன் சீயான்! டுவிட்டரில் கலையுலக பிதாமகன் சீயான் என்ற ஹேஷ்டேக் தற்போது டிரெண்டாகி வருகிறது.
கலையுலக பிதாமகன் சீயான் என்ற ஹேஷ்டேக் டிரெண்டாகி வருகிறது.
தமிழ் சினிமாவில் முன்னணி நடிகர்களில் ஒருவராக இருப்பவர் சியான் விக்ரம். எப்போதும் யாருக்கும் போட்டியில்லாமல், வரிசையாக படங்களில் நடித்து வருபவர்.
படத்தின் கதைக்கு ஏற்ப உடல் எடையை கூட்டி குறைத்து வருகிறார். உதாரணமாக ஐ, அந்நியன் ஆகிய படங்களை குறிப்பிடலாம். தற்போது இயக்குநர் அஜய் ஞானமுத்து இயக்கத்தில் உருவாகி வரும் கோப்ரா என்ற படத்தில் பிஸியாக நடித்து வருகிறார்.
இந்தப் படத்தில் 10க்கும் அதிகமான கதாபாத்திரங்களில் நடிக்கிறார் என்று கூறப்படுகிறது.
கடந்த 1990 ஆம் ஆண்டு திரைக்கு வந்த என் காதல் கண்மணி படத்தின் மூலம் விக்ரம் சினிமாவில் அறிமுகமானார்.
புதிய மன்னர்கள், சேது, தில், காசி, ஜெமினி, சாமுராய், தூள், சாமி, பிதாமகன், அந்நியன், தெய்வ திருமகள், ஐ, சாமி ஸ்கொயர் என்று மாஸ் படங்களில் நடித்துள்ளார்.
தற்போது விக்ரம் நடிப்பில் கோப்ரா, துருவ நட்சத்திரம், மகாவீர் கர்ணா, பொன்னியின் செல்வன் ஆகிய படங்கள் உருவாகி வருகிறது.
இந்த நிலையில் டுவிட்டரில், கலையுலக பிதாமகன் சீயான் என்ற ஹேஷ்டேக் டிரெண்டாகி வருகிறது என்பது குறிப்பிடத்தக்கது.
