Who Is Irfan Ahmed; FIR படத்தின் விஷ்ணு விஷால் கதாபாத்திரம் என்ன? வெளியான வீடியோ! விஷ்ணு விஷால் நடிப்பில் உருவாகி வரும் எஃப்.ஐ.ஆர். FIR, படத்தின் அவரது கதாபாத்திரத்தின் பெயர் என்ன என்பதற்கான வீடியோ வெளியாகி சமூக வலைதளங்களில் வைரலாகி வருகிறது.
விஷ்ணு விஷால் நடிக்கும் எஃப்.ஐ.ஆர். FIR, படத்தின் அவரது கதாபாத்திரம் என்ன என்பதற்கான வீடியோ வெளியாகியுள்ளது.
இயக்குநர் மனு ஆனந்த் இயக்கத்தில் விஷ்ணு விஷால் நடிப்பில் உருவாகி வரும் புதிய படம் FIR – Faizal Ibrahim Rais. இந்தப் படத்தில் விஷ்ணு விஷாலுக்கு ஜோடியாக மஞ்சிமா மோகன் நடிக்கிறார். ஆக்ஷன் த்ரில்லர் கதையை மையப்படுத்தி இந்தப் படம் உருவாகி வருகிறது.
அண்மையில், இந்தப் படத்தின் ஃபர்ஸ்ட் லுக் போஸ்டர் வெளியானது. இதில், முகம் முழுவதும் மாஸ்க் அணிந்து கொண்டு இருப்பது போன்றும் நியூஸ்பேப்பரில் அல்கொய்தா, தீவிரவாதிகள் என்று குறிப்பிடப்பட்டிருந்தது.
மற்றொரு போஸ்டரில் விஷ்ணு விஷால் சிறையில் கைவிலங்கு போடப்பட்டிருந்த நிலையில் இருப்பது போன்று காட்டப்பட்டிருந்தது.
இந்த நிலையில், விஷ்ணு விஷாலின் 36 ஆவது பிறந்தநாளை முன்னிட்டு நேற்று, எஃப்.ஐ.ஆர்., படத்தின் விஷ்ணு விஷாலின் கதாபாத்திரத்தின் பெயர் கொண்ட வீடியோ வெளியானது.
இதற்கு முன்னதாக யார் அந்த இர்பான் அகமது என்று கேள்வி கேட்கும் வீடியோ வெளியாகியிருந்தது.
எஃப்.ஐ.ஆர். படத்தில் விஷ்ணு விஷாலின் கதாபாத்திரத்தை சொல்லும் வீடியோவை ஜூவாலா கட்டா தனது டுவிட்டரில் வெளியிட்டுள்ளார்.
அந்த வீடியோவில், இர்பான் அகமது அவரது அம்மாவுடன் இருப்பது போன்று காட்டப்பட்டுள்ளது. மேலும், நான் துணிஞ்சவன்டா என்னை புரிஞ்சவன் யார்?
நான் மிருகமடா, என்னை தெரியுதா பார் A Man Of Beliefs, A Loving Son, An Innocent Man, A Terrorist?, Who Is He? என்று கேள்வி எழுப்பிவிட்டு இறுதியில், Irfan Ahmed என்று காட்டப்பட்டுள்ளது.
இதன் மூலம், விஷ்ணு விஷால் இர்பான் அகமது என்ற கதாபாத்திரத்தில் நடிக்கிறார். நம்பிக்கையான ஒரு அப்பாவி மனிதன், திவீரவாதியாக மாற்றப்படுகிறாரா? என்ற கதையோடு இந்தப் படம் உருவாக்கப்படுவதாக தகவல் தெரிவிக்கின்றது.
