Master Sethupathi: விஜய்க்கு நச்சுன்னு 1,35,263-வது முத்தம்

Master Sethupathi: விஜய்க்கு நச்சுன்னு 1,35,263-வது முத்தம். மாஸ்டர் படபிடிப்பு தளத்தில் விஜய் சேதுபதி முத்தம் கொடுத்தார். vijay sethupathi kiss to vijay

மாஸ்டர் படப்பிடிப்பு நாளையுடன் முடியும் நிலையில், தளபதி விஜய்க்கு நடிகர் விஜய் சேதுபதி தனது 1,35,263 ஆவது முத்தத்தை நச்சுன்னு கொடுத்துள்ளார். அப்போது மற்ற நடிகர்கள் கைதட்டி ஆரவாரம் செய்துள்ளனர்.

Master Sethupathi

இயக்குநர் லோகேஷ் கனகராஜ் இயக்கத்தில் விஜய் நடிப்பில் உருவாகி வரும் படம் மாஸ்டர். வரும் ஏப்ரல் 9-ஆம் தேதி தமிழ் புத்தாண்டை முன்னிட்டு இப்படம் திரைக்கு வருகிறது.

விறுவிறுப்பாக நடந்து வந்த படப்பிடிப்பு நாளையுடன் முடிவடைந்து போஸ்ட் புரோடக்‌ஷன் பணிகள் தொடங்கப்படும் என்று இயக்குநர் லோகேஷ் கனகராஜ் அறிவித்திருந்தார்.

விஜய்யின் நெருங்கிய உறவினர் சேவியர் பிரிட்டோ தனது எக்ஸ்பி கிரியேட்டர்ஸ் நிறுவனத்தின் மூலம் இப்படத்தை தயாரித்துள்ளார். அனிருத் இப்படத்திற்கு இசையமைத்துள்ளார்.

இப்படத்தில் விஜய்யுடன் இணைந்து விஜய் சேதுபதி, மாளவிகா மோகனன், சாந்தனு, ஆண்ட்ரியா, ஸ்ரீமன் ஆகியோர் உள்பட ஏராளமான சினிமா பிரபலங்கள் நடித்து வருகின்றனர்.

சமீபத்தில், இப்படத்தில் இடம் பெற்றுள்ள குட்டி ஸ்டோரி பாடலின் லிரிக் வீடியோ வெளியாகி உலகம் முழுவதும் வைரலானது.

விஜய் சேதுபதியின் முத்த பழக்கம்

பொதுவாக, நடிகர்கள், எந்த ரசிகர்கள் கேட்டாலும், அவர்களுடன் இணைந்து செல்ஃபி எடுத்துக் கொள்வது, கை கொடுப்பது மட்டுமே செய்வதை வழக்கமாக கொண்டிருப்பார்கள்.

ஆனால், விஜய் சேதுபதி மட்டும் வித்தியாசமானவர். ஆம், எந்த ரசிகர் கேட்டாலும், அவர்களது கன்னத்தில் முத்தம் கொடுப்பதை ஒரு வேலையாகவே வைத்திருக்கிறார்.

நானும் ரௌடி தான், சேதுபதி, தர்மதுரை, இமைக்கா நொடிகள், பேட்ட, சூப்பர் டீலக்ஸ் ஆகிய படங்கள் ரசிகர்களிடையே நல்ல வரவேற்பு பெற்றார்.

ஹீரோவாக மட்டுமல்ல, சிறப்புத் தோற்றம் என்று எந்தவொரு ரோலாக இருந்தாலும், அதில் தனது பங்களிப்பை கொடுக்கக்கூடியவர்.

இவ்வளவு ஏன், ரஜினிகாந்த் நடிப்பில் வந்த பேட்ட படத்தில், அவருக்கு வில்லனாகவே நடித்துள்ளார். தற்போது, விஜய்க்கு வில்லனாக மாஸ்டர் படத்தில் விறுவிறுப்பாக நடித்து வருகிறார்.

மாஸ்டர் படப்பிடிப்பு நிறைவு

நாளையுடன் இப்படத்தின் படப்பிடிப்பு முடியும் நிலையில், விஜய்க்கு அழுத்தமாக ஒரு முத்தம் கொடுத்து அனைவரையும் ஆச்சரியத்தில் ஆழ்த்தியுள்ளார்.

இதுவரை ஆயிரம், பத்தாயிரம் அல்ல, அதற்கும் மேலாக 1,35,262 முத்தங்கள் வரை கொடுத்துள்ளார்.

விஜய்க்கு முத்தம் கொடுத்த விஜய் சேதுபதி

விஜய்க்கு முத்தம் கொடுத்ததன் மூலம் 1,35,263 முத்தங்கள் வரை கொடுத்த ஹீரோ என்ற பெருமையைப் பெற்றுள்ளார்.

விஜய்க்கு முத்தம் கொடுக்கும் போது எடுக்கப்பட்ட புகைப்படம் ஒன்று சமூக வலைதளங்களில் வைரலாகி வருகிறது.

அப்போது, மற்ற நடிகர்கள், லோகேஷ் கனகராஜ் ஆகியோர் கைதட்டி ஆரவாரம் செய்துள்ளனர் என்பது குறிப்பிடத்தக்கது.