விஜய் சேதுபதி நடிப்பில், கடந்த 2013 ஆம் ஆண்டு திரைக்கு வந்த சூது கவ்வும் படம் வெளியாகி இன்றுடன் 7 வருடங்கள் ஆகியுள்ளது.
சூது கவ்வும் படம் திரைக்கு வந்து 7 வருடங்கள் ஆகியுள்ளது.
இயக்குநர் நலன் குமாரசாமி இயக்கத்தில் விஜய் சேதுபதி, சஞ்சிதா ஷெட்டி ஆகியோரது நடிப்பில் கடந்த 2013 ஆம் ஆண்டு மே 1 ஆம் தேதி தொழிலாளர்கள் தினத்தை முன்னிட்டு திரைக்கு வந்த படம் சூது கவ்வும்.
தனக்கென்று ஒரு கொள்கை பிடிப்புடன் சின்ன சின்ன கடத்தல் வேலைகளை செய்து வருபவர் விஜய் சேதுபதி. அவருடன் 3 இளைஞர்கள் வேலைக்கு சேர்கிறார்கள்.
ஒரு கட்டத்தில் அமைச்சரின் மகனை கடத்த திட்டம் போடுகிறார். ஆனால், கடத்தப்பட்ட அமைச்சரின் மகனே இவர்களுடன் சேர்கிறான்.
ஆனால், கடத்தப்பட்ட வேன் மட்டும் விபத்திற்குள்ளாகிறது. கடத்தல் திட்டம் வீணாகிறது.
இதையடுத்து, கடத்தல் கும்பலை பிடிக்க நேர்மையான போலீஸ் அதிகாரி வருகிறார். அந்த போலீஸ் அதிகாரி துரத்த, கடத்தல் கும்பல் ஓட அப்படியே நகர்கிறது.
நகைச்சுவை கலந்த கதையை மையப்படுத்தி இந்தப் படம் உருவாக்கப்பட்டுள்ளது. சூது கவ்வும் படத்தில் விஜய் சேதுபதி கடத்தல்காரனாக நடித்திருந்தார்.
இப்படத்திற்கு கிடைத்த வரவேற்பைத் தொடர்ந்து சூது கவ்வும் 2 ஆம் பாகம் உருவாக இருப்பதாக தெரிகிறது.
விரைவில், இது குறித்து முறையான அறிவிப்பு வெளிவரும் என்று எதிர்பார்க்கப்படுகிறது.
இந்த நிலையில், சூது கவ்வும் படம் திரைக்கு வந்து இன்றுடன் 7 வருடங்களை கடந்துள்ளது. இதன் காரணமாக 7YrsOfSoodhuKavvum என்ற ஹலோ ஹேஷ்டேக் டிரெண்டாகி வருகிறது.
