Ajith; கேடிவியில் மங்காத்தா: கொண்டாட்டும் தல ரசிகர்கள்! கேடிவியில் அஜித் நடிப்பில் வந்த மங்காத்தா படம் ஒளிபரப்பாகி வரும் நிலையில், தல ரசிகர்கள் கொண்டாடி வருகின்றனர்.
கேடிவியில் மங்காத்தா படம் ஒளிபரப்பு செய்யப்படுகிறது.
அஜித் நடிப்பில் வந்த மங்காத்தா படம் கேடிவியில் ஒளிபரப்பு செய்யப்படுவதை #Mankatha ஹேஷ்டேக் உருவாக்கி தல ரசிகர்கள் கொண்டாடி வருகின்றனர்.
வெங்கட் பிரபு இயக்கத்தில் அஜித், அர்ஜூன், த்ரிஷா, ராய் லட்சுமி, பிரேம்ஜி அமரன், வைபவ், ஆண்ட்ரியா, அஞ்சலி, மகத் என்று ஏராளமான நட்சத்திரங்கள் நடிப்பில் கடந்த 2011 ஆம் ஆண்டு திரைக்கு வந்த படம் மங்காத்தா.
விநாயக் மகாதேவ் என்ற கதாபாத்திரத்தில் மும்பையில், பணியிடை நீக்கம் செய்யப்பட்ட அசிஸ்டன்ட் கமிஷனர்.
என்னதான் போலீஸ் அதிகாரியாக அஜித் நடித்திருந்தாலும், கோடிக்கணக்கான பணத்தை வில்லன் கும்பலிடமிருந்து கொள்ளையடிப்பதுதான் அவரது நோக்கமாக இருந்தது.
அதற்கு சரியாக ஸ்கெட்ச் போட்டு, பிளான் பண்ணி பணத்தை ஆட்டையபோட்டா, அவரை ஏமாற்றி பிரேம்ஜி பணத்தை கொண்டு செல்வார்.
இறுதியில் பணம், அஜிதுக்கு சென்றதால், இல்லை போலிசுக்கா, இல்லை வில்லன்களிடமே சென்றதா என்பதுதான் படத்தின் கதை.
அஜித்தை வித்தியாசமான கதாபாத்திரத்தில் காட்டிய இந்தப் படம் பிளாக்பஸ்டர் படமாக அமைந்தது.
ரூ.20 முதல் 40 கோடி பட்ஜெட்டில் உருவாக்கப்பட்ட இந்தப் படம் ரூ.130 கோடி வரையில் வசூல் குவித்துள்ளது என்கிறது விக்கிப்பீடியா தகவல்.
இந்த நிலையில், தற்போது டுவிட்டரில் #Mankatha ஹேஷ்டேக் உருவாக்கி தல ரசிகர்கள் கொண்டாடி வருகின்றனர். ஏன் என்று பார்த்தால், கேடிவியில் பிற்பகல் 1 மணிக்கு மங்காத்தா படம் ஒளிபரப்பு செய்யப்படுகிறது.
எத்தனையோ முறை யூடியூப்பிலும், டவுன்லோடு செய்து படத்தை பார்த்திருந்தாலும், தற்போது கொரோனாவால் வீட்டிலேயே முடங்கியிருக்கும் நிலையில், இது கொண்டாட்டமான விஷயம்தானே. அதான் தல ரசிகர்கள் கொண்டாடி வருகின்றனர்.
நேற்று சன் தொலைக்காட்சியில் விஜய் நடிப்பில் வந்த கில்லி படம் ஒளிபரப்பு செய்யப்பட்டது என்பது குறிப்பிடத்தக்கது.
