Vishnu Vishal Birthday; கிரிக்கெட் வீரராக வர வேண்டிய விஷ்ணு விஷால் பர்த்டே டுடே! நடிகர் விஷ்ணு விஷால் இன்று தனது 36ஆவது பிறந்தநாளை கொண்டாடுகிறார். அவருக்கு சினிமா பிரபலங்கள் பலரும் வாழ்த்து தெரிவித்து வருகின்றனர்.
விஷ்ணு விஷால் இன்று தனது பிறந்தநாளை சிறப்பாக கொண்டாடுகிறார்.
கடந்த 1984 ஆம் ஆண்டு ஜூலை 17 ஆம் தேதி பிறந்தவர் விஷால். இது தான் அவரது உண்மையான பெயர். இவரது அப்பா ரமேஷ் குடவ்லா. ஒரு போலீஸ் அதிகாரி.
விஷ்ணு விஷால், திருச்சியில் பள்ளி படிப்பை முடித்து எம்பிஏ படித்துள்ளார். கிரிக்கெட் மீது இருந்த ஆர்வத்தால், தமிழ்நாடு கிரிக்கெட் சங்கம் நடத்தும் போட்டிகளில் கலந்து கொண்டு விளையாடியுள்ளார்.
எனினும், காலில் ஏற்பட்ட காயம் காரணமாக அவரது கிரிக்கெட் கனவு நிறைவேறாமல் போய்விட்டது. அதன்பிறகு சினிமாவில் கவனம் செலுத்தினார்.
தொடர்ந்து வீட்டில் இருந்தபடியே நிறைய படங்களை பார்த்து நடிப்பு கற்றுக் கொண்டார்.
அப்படி விஷ்ணு விஷால் அறிமுகமான முதல் படம் தான் வெண்ணிலா கபடி குழு. சினிமாவில் அறிமுகமாகிய பிறகு விஷால் என்ற தனது பெயரை விஷ்ணு விஷால் என்று மாற்றிக் கொண்டார்.
தொடர்ந்து குள்ளநரி கூட்டம், இன்று நேற்று நாளை, வேலைன்னு வந்துட்டா வெள்ளைக்காரன், ராட்சசன் என்று பல படங்களில் நடித்துள்ளார்.
தற்போது காடன், ஆரண்யா, ஜகஜால கில்லாடி, எப்.ஐ.ஆர். ஆகிய படங்களில் நடித்து வருகிறார்.
இவர் பிரபல இயக்குநரும், நடிகருமான நட்ராஜின் மகள் ரஜனியை காதலித்து கடந்து 2011 ஆம் ஆண்டு திருமணம் செய்து கொண்டார்.
இவர்களுக்கு ஆர்யன் என்ற மகன் இருக்கிறான். இந்த நிலையில், இருவருக்கும் கருத்து வேறுபாடு ஏற்பட்டு கடந்த 2018 ஆம் ஆண்டு விவாகரத்து பெற்று பிரிந்தனர்.
இதையடுத்து, விஷ்ணு விஷாலும், பேட்மிண்டன் வீராங்கனை ஜுவாலா கட்டாவும் நெருங்கி பழகினர். இருவரும் நெருக்கமாக இருக்கும் புகைப்படங்கள் அவ்வப்போது சமூக வலைதளங்களில் வெளியானது.
நீங்கள் காதலிக்கிறீர்களா? என்று கேள்வி எழுப்பினர். ஆனால், அதற்கு மறுப்பு தெரிவித்து வந்தனர்.
இந்த நிலையில், விஷ்ணு விஷாலுடன் இருக்கும் புகைப்படத்தை பதிவிட்டு மிஸ்ஸிங் மை பூ என்று சோகமாக இருக்கும் எமோஜியை தனது டுவிட்டரில் ஜுவால கட்டா பதிவிட்டிருந்தார்.
இதற்கு பதிலளித்த விஷ்ணு விஷால் இட்ஸ் ஓகே. இப்போதைக்கு சமூக விலகல் மிகவும் முக்கியம். எல்லோருக்கும் பிரார்த்தனை செய்யுங்கள் என்று பதிவிட்டிருந்தார்.
இந்த நிலையில், தற்போது விஷ்ணு விஷாலை காதலிப்பது உண்மை தான். இருவரும் திருமணம் செய்து கொள்ள இருப்பதாகவும் ஜுவாலா கட்டா தெரிவித்துள்ளார்.
இது குறித்து ஜுவாலா கட்டா கூறுகையில், நாங்கள் காதலித்து வருகிறோம். இதில், மறைக்க வேண்டியது ஒன்றும் இல்லை.
விரைவில் திருமணம் செய்து கொள்ளவும் இருக்கிறோம். தேதி முடிவு செய்யப்பட்டதும், அறிவிப்போம் என்று குறிப்பிட்டுள்ளார்.
இந்த நிலையில், விஷ்ணு விஷால் இன்று தனது 36 ஆவது பிறந்தநாளை கொண்டாடுகிறார்.
அவருக்கு சினிமா பிரபலங்கள், ரசிகர்கள் என்று பலரும் தங்களது வாழ்த்துக்களை தெரிவித்து வருகின்றனர்.
பேட்மிண்டன் வீராங்கனையும், விஷ்ணு விஷாலின் காதலியுமான ஜூவாலா கட்டா, தனது டுவிட்டர் பக்கத்தில் ஹேப்பி பர்த்டே பேபி.
எப்போதும் பிரகாசித்துக் கொண்டே இருங்கள் என்று குறிப்பிட்டுள்ளார்.
மேலும், விஷ்ணு விஷாலை நேரில் சந்தித்து கேக் வெட்டி பிறந்தநாள் கொண்டாடிய புகைப்படத்தை பதிவிட்டுள்ளார் என்பது குறிப்பிடத்தக்கது.
