முன்னாள் இந்திய கிரிக்கெட் வீரர் வாசிம் ஜாபர் தோனி மற்றும் ரிஷப் பந்த் பற்றி பிசிசிஐக்கு அட்வைஸ் கூறியுள்ளார்
இந்தியாவின் முன்னாள் டெஸ்ட் கிரிக்கெட் வீரர் மற்றும் இந்தியாவின் முதல் தர போட்டிகளில் ஜாம்பவானான வாசம் ஜாபர் கடந்த வாரம் ஓய்வு பெற்றார்.
2019ஆம் ஆண்டு நடந்து முடிந்த உலகக் கோப்பையில் விளையாடிய தோனி, அதன் பிறகு இந்திய அணியில் இடம்பெறவில்லை. தொடர்ந்து இடம்பெறாமல் இருந்ததால், அவரை பிசிசிஐ பெயர் பட்டியல் சம்பளத்தில் இருந்து நீக்கியது.
வருகிற அக்டோபர் மாதம் டி20 உலகக்கோப்பை போட்டி நடைபெற இருக்கிறது.
இந்திய அணி நியூசிலாந்தில் சுற்றுப்பயணம் மேற்கொண்டு டி20 போட்டியை 5-0 கணக்கில் வென்றாலும், 3 -0 என்ற கணக்கில் ஒருநாள் தொடரையும், 2-0 என்ற கணக்கில் டெஸ்ட் தொடரையும் தோல்வி அடைந்தது.
அந்த தொடரில் கீப்பராக ரிஷப பந்துக்கு அதிக வாய்ப்பு அளிக்கப்பட்டது. ஆனால் தன்னுடைய மோசமான ஆட்டத்தால் முன்னாள் வீரர்கள் மற்றும் விமர்சகர்கள் மத்தியில் கடும் எதிர்ப்பை சந்தித்தார்.
இதனால் அவருக்கு பதிலாக விக்கெட் கீப்பிங் பணியை கே எல் ராகுல் சிறப்பாக செய்து பிசிசி நன்மதிப்பைப் பெற்றது மட்டுமல்லாமல் ரிஷப பந்த் இடத்தை கேள்விக்குறி ஆகி விட்டார்.
தோனியின் கிரிக்கெட் வாழ்க்கை முடிந்துவிட்டதா என்று பத்திரிக்கைகள் மற்றும் சமூக வலைதளங்களில் அவ்வப்போது செய்திகள் வெளிவந்து கொண்டிருக்கின்றன.
ஆனால் அதற்கெல்லாம் செவி சாய்க்காத தோனி இந்த ஐபிஎல்லில் தன்னை நிரூபித்து மீண்டும் அணியில் இடம் பிடிப்பார் என்று நம்பிக்கையில் இருக்கிறார்.
இதற்கிடையில் வாசிம் ஜாபர் நேற்று நிருபர்களை சந்திக்கும்போது
“கே எல் ராகுல் மற்றும் ரிஷப் பந்த் இந்திய அணியில் தொடர்ந்து விளையாட வேண்டும். தோனியின் அனுபவம் கண்டிப்பாக இந்தியாவிற்கு தேவை.
அவர் பின் வரிசையில் இறங்குவதால் இந்திய அணிக்கு மிகப் பெரிய மாற்றத்தை தரும்.
தோனி விக்கெட் கீப்பிங் செய்யும் போது ஸ்டம்பிற்கு பின்னால் நிற்கும் போது என்றுமே அது ஒரு தனி பலம் தான்.
ஆகையால் கேஎல் ராகுல் மற்றும் ரிஷபக் பந்த் சேர்ந்து தோனியை ஆடும் லெவனில் ஆட வைக்க முடியும்.
கேஎல் ராகுல் தொடக்க ஆட்டக்காரராகவும்.
ரிஷபத்தை இடதுகை பேட்ஸ்மேனாகவும், தோனியை விக்கெட் கீப்பிங் மற்றும் பின் வரிசையிலும் கொண்டு இந்திய அணி களம் இறங்கலாம்” என்று கூறியுள்ளார்.
இந்திய அணியில் 2000ம் – 2007 ஆம் ஆண்டு வரை டெஸ்ட் கிரிக்கெட் போட்டியில் சிறந்த வீரனாக விளங்கியவர் வாசிம் ஜாபர்.
31 டெஸ்ட் போட்டிகளில் விளையாடிய இவர் 1946 ரன்கள் எடுத்துள்ளார். அதிகபட்சமாக 212 ரன்கள் குவித்துள்ளார்.
ஐந்து சதங்களும், 11 அரை சதங்களும் இதில் அடங்கும்.
