மும்பை இந்தியன்ஸ் ( MI ) மற்றும் சென்னை சூப்பர் கிங்ஸ் ( CSK ) பற்றி மனம் திறந்த ஹர்பஜன் சிங்.
ஹர்பஜன் சிங் மிகப் பிரபலமான இந்திய கிரிக்கெட் வீரர் , சுழற் பந்து வீச்சாளர். கடந்த சில ஆண்டுகளாக சென்னை சூப்பர் கிங்ஸ் அணிக்காக விளையாடி வருகிறார், எனவே தற்போது தமிழ் மொழியில் ட்வீட் செய்கிறார் , கவிதை போடுகிறார் , சூப்பர் ஸ்டார் வசனங்கள் பதிவிடுகிறார் . மும்பை அணிக்கும் சுமார் 10 ஆண்டுகள் விளையாடியுள்ளார்.
“ மும்பை இந்தியன்ஸ் அணியில் நான் நெடுநாட்கள் விளையாடியுள்ளேன் , அவர்கள் மிக ப்ரோபாஷனலாக இருப்பார்கள், நாமும் அப்படிதான் இருக்கவேண்டும் என எதிர்பார்ப்பார்கள். ஆனால் சூப்பர் கிங்ஸ் அணியில் அப்படி அல்ல, மீட்டிங்குகள் நெருக்கடிகள் என எதுவும் கிடையாது. மேட்ச் நடக்கும் அன்றும் கூட மிக இயல்பாக தான் இருப்போம்.
MI ஐ பொறுத்தவரை வெற்றி பெற சொன்னால் வெற்றி பெற்றே ஆகவேண்டும். ஆனால் CSK அப்படி அல்ல. ஷான் வாட்சன் சென்ற தொடர் முழுவதும் சரியாக விளையாடவில்லை ஆனால் இறுதிப்போட்டியில் சதம் விளாசினார். இதைப்போல நன்றாக விளையாடும் வீரர்களை ஊக்கப்படுத்த வேண்டும் . நான் இரு அணிகளுக்கு விளையாடியதிலும் மிகுந்த மகிழ்ச்சி.
என்னைக்கேட்டால் இந்திய அணியின் ரிஷப் பண்ட் தற்போது சில போட்டிகளில் சரியாக விளையாடாவிட்டாலும் அவருக்கு போட்டியை வெல்லும்படி விளையாட முடியும், அவருக்கு மேலும் அவகாசம் அளிக்கலாம்” என்று கூறியுள்ளார்.
சா.ரா.
