Super Star Tom Cruise : ஹாலிவுட்டில் முன்னணி நடிகர்களில் ஒருவர் ‘சூப்பர் ஸ்டார்’ டாம் க்ரூஸ் (Super Star Tom Cruise). இவர் படங்களுக்கென உலகளவில் மிகப்பெரிய ரசிகர் பட்டாளம் இருக்கிறது.
டாம் க்ரூஸ் நடித்து கடைசியாக ரிலீஸான படம் ‘மிஷன் இம்பாஸிபிள் : ஃபால் அவுட்’. தற்போது, ‘ஹாலிவுட் சூப்பர் ஸ்டார்’ டாம் க்ரூஸ் கைவசம் ‘டாப் கன் : மாவெரிக்’ மற்றும் ‘மிஷன் இம்பாஸிபிள் 7 & 8’ ஆகிய மூன்று படங்கள் உள்ளது.
இதில் ‘டாப் கன் : மாவெரிக்’ படத்தை பிரபல இயக்குநர் ஜோசப் கோசின்ஸ்கி இயக்கி கொண்டிருக்கிறார்.
இப்படம் 1986-ஆம் ஆண்டு வெளியாகி மெகா ஹிட்டான ‘டாப் கன்’ என்ற படத்தின் சீக்குவல் என்பது குறிப்பிடத்தக்கது.
முதலில், படத்தை ஆங்கிலம் மட்டுமின்றி தமிழ், ஹிந்தி மற்றும் தெலுங்கு ஆகிய மொழிகளிலும் வருகிற ஜூன் 26-ஆம் தேதி ரிலீஸ் செய்யத் திட்டமிட்டிருந்தனர்.
தற்போது, கொரோனா வைரஸ் நோய் காரணமாக அனைத்து திரையரங்குகளும் மூடப்பட்டுள்ளதால், இந்த படத்தின் ரிலீஸை டிசம்பர் 23-ஆம் தேதிக்கு ஒத்தி வைத்துள்ளதாக தகவல் வெளியாகியுள்ளது.
இதை நடிகர் ‘சூப்பர் ஸ்டார்’ டாம் க்ரூஸ் (Super Star Tom Cruise) தனது ட்விட்டர் பக்கத்தில் ஸ்டேட்டஸாகத் தட்டி உறுதிபடுத்தியுள்ளார்.
I know many of you have waited 34 years. Unfortunately, it will be a little longer. Top Gun: Maverick will fly this December. Stay safe, everyone.
— Tom Cruise (@TomCruise) April 2, 2020
