Bhavana; போலி ஃபேஸ்புக் பக்கம்: ரசிகர்களை எச்சரித்த நடிகை பாவனா! தனது பெயரில் போலியாக ஃபேஸ்புக் பக்கம் தொடங்கப்பட்டுள்ளது என்று நடிகை பாவனா ரசிகர்களை எச்சரித்துள்ளார்.
தனது பெயரில் போலியாக ஃபேஸ்புக் பக்கம் தொடங்கப்பட்டுள்ளது என்றும், தான் ஃபேஸ்புக்கில் இல்லை என்றும் நடிகை பாவனா ரசிகர்களை எச்சரித்துள்ளார்.
தமிழில் சித்திரம் பேசுதடி, ஜெயம் கொண்டான், தீபாவளி, கூடல் நகர், கிழக்கு கடற்கரை சாலை, ராமேஸ்வரம், அசல் ஆகிய படங்களில் நடித்தவர் நடிகை பாவனா.
தமிழைத் தவிர, மலையாளம், தெலுங்கு, கன்னடம் ஆகிய மொழிகளில் பல படங்களில் நடித்துள்ளார்.
கடந்த 2018 ஆம் ஆண்டு கன்னட தயாரிப்பாளர் நவீன் என்பவரை காதலித்து திருமணம் செய்து கொண்டார்.
திருமணத்திற்குப் பிறகு சினிமாவில் இருந்து ஒதுங்கியிருந்த பாவனா, தமிழில் வெளியான 96 படத்தின் கன்னட ரீமேக்கில் நடித்தார்.
இந்தப் படத்தைத் தொடர்ந்து இன்ஸ்பெக்டர் விக்ரம், பஜராங்கி, கோவிந்தா கோவிந்தா ஆகிய படங்களில் நடித்து வருகிறார்.
கொரோனா லாக்டவுன் காரணமாக, படப்பிடிப்புகள் நிறுத்தப்பட்டுள்ளது. தற்போது வீட்டிலேயே முடங்கியிருக்கும் பிரபலங்கள் பலரும் சமூக வலைதளங்களில் பிஸியாக இருக்கின்றனர்.
நடிகை பாவனா தனது புகைப்படங்களை அடிக்கடி சமூக வலைதள பக்கத்தில் பதிவிட்டு வருவதை வாடிக்கையாக கொண்டுள்ளார்.
இந்த நிலையில், தனது பெயரில் போலி ஃபேஸ்புக் பக்கம் உருவாக்கப்பட்டுள்ளதாக தெரிவித்துள்ளார்.
மேலும், தான் ஃபேஸ்புக் பக்கத்தில் இல்லை என்றும், ரசிகர்கள் யாரும் அதனை பின் தொடர வேண்டாம் என்றும் எச்சரித்துள்ளார்.
தொடர்ந்து, இந்த போலி ஃபேஸ்புக் பக்கம் குறித்து உடனடியாக புகார் அளிக்கும்படி ரசிகர்களிடம் கூறியுள்ளார்.
நடிகைகள் பெயரில் போலியாக ஃபேஸ்புக் அக்கவுண்டுகள் பல தொடங்கப்பட்டுள்ளன.
இது குறித்து ஏற்கனவே பல நடிகைகள் புகார் அளித்துள்ளனர். இந்த லாக்டவுன் நேரத்தில் நடிகைகளின் ஃபேஸ்புக் பக்கங்கள் ஹேக் செய்யப்படுவது என்பது அதிகரித்து வருகிறது.
அண்மையில் கூட, நடிகைகள் ஷோபனா, அனுபமா பரமேஸ்வரன், ஊர்மிளா ரவ்தெலா, ஸ்வாதி ஆகியோரின் கணக்குகள் முடப்பட்டன.
இவர்களைத் தொடர்ந்து நடிகை பாவனாவும் தனது பெயரில் போலி ஃபேஸ்புக் பக்கம் தொடங்கப்பட்டது குறித்து எச்சரித்துள்ளார் என்பது குறிப்பிடத்தக்கது.
