Black and White Challenge: வைரலாகும் பிரபலங்களின் கருப்பு வெள்ளை புகைப்படங்கள்! பிரபலங்கள் பலரும் Black-and-White Challenge செய்து தங்களது கருப்பு வெள்ளை புகைப்படங்களை சமூக வலைதளங்களில் பதிவிட்டு வருகின்றனர்.
சமூக வலைதளங்களில் பிரபலங்களின் கருப்பு வெள்ளை புகைப்படங்கள் வைரலாகி வருகிறது.
உலகம் முழுவதும் தாக்கத்தை ஏற்படுத்திய கொரோனா வைரஸ் இந்திய அளவிலும் நாளுக்கு நாள் பாதிப்பை அதிகப்படுத்தி வருகிறது. கொரோனா காரணமாக ஏற்கனவே 6 முறை லாக்டவுன் பிறப்பிக்கப்பட்டுள்ளது. 6ஆம் கட்ட லாக்டவுனும் நாளை 31 ஆம் தேதியுடன் முடிவடைகிறது.
கொரோனா காரணமாக சினிமா படப்பிடிப்புகளும் ரத்து செய்யப்பட்டு, திரையரங்குகளும் மூடப்பட்டுள்ளன. இதன் விளைவாக பிரபலங்கள் அனைவருமே வீட்டிலேயே முடங்கியிருக்கின்றனர்.
வீட்டில் இருக்கும் பிரபலங்கள் தங்களது அன்றாட பணிகளை புகைப்படமாகவும், வீடியோவாகவும் வெளியிட்டு வருகின்றனர். இந்த நிலையில், புதிய சேலஞ்ச் ஒன்று டிரெண்டாகி வருகிறது.
பெண்களுக்கு ஆதரவாக பெண்கள், Women supporting women என்ற சேலஞ்சை தொடங்கி வைத்திருக்கிறார்கள். இதில், கருப்பு வெள்ளை புகைப்படங்களை பதிவிட வேண்டும்.
Black-and-White Challenge என்ற சேலஞ்ச் தற்போது சமூக வலைதளங்களில் வைரலாகி வருகிறது. இதில், காஜல் அகர்வால், ஆண்ட்ரியா, சாக்ஷி அகர்வால் என்று பிரபலங்கள் பலரும் பிளாக் அண்ட் ஒயிட் புகைப்படங்களை பதிவிட்டு வருகின்றனர் என்பது குறிப்பிடத்தக்கது.
