Doctor: Chellamma Lyric Video; நம்பர் ஒன் இடத்தில் டாக்டர் செல்லம்மா பாடல்: 2 மில்லியன் வியூஸ்! டாக்டர் படத்தின் முதல் சிங்கிள் டிராக் செல்லம்மா பாடல் வீடியோ வெளியாகி டிரெண்டிங்கில் நம்பர் ஒன் இடம் பிடித்துள்ளது.
செல்லம்மா பாடல் வெளியாகி டிரெண்டிங்கில் நம்பர் ஒன் இடம் பிடித்துள்ளது.
இயக்குநர் நெல்சன் திலீப் குமார் இயக்கத்தில் சிவகார்த்திகேயன் நடிப்பில் உருவாகி வரும் படம் டாக்டர். இந்தப் படத்தில் சிவகார்த்திகேயனுக்கு ஜோடியாக கன்னட நடிகை பிரியங்கா அருள் மோகன். இதுவே பிரியங்கா அருள் மோகன் தமிழில் அறிமுகமாகும் முதல் படம்.
மேலும், யோகி பாபு, வினய், அர்ச்சனா ஆகியோரும் நடித்து வருகின்றனர். அனிருத் இந்தப் படத்திற்கு இசையமைத்துள்ளார். சிவகார்த்திகேயனின் சொந்த தயாரிப்பு நிறுவனமான எஸ்கே புரோடக்ஷன்ஸ் நிறுவனம் இந்தப் படத்தை தயாரித்துள்ளார்.
நேற்று டாக்டர் படத்தின் முதல் சிங்கிள் டிராக் செல்லம்மா பாடல் வீடியோ வெளியானது. இந்த நிலையில், செல்லம்மா பாடல் டிரெண்டிங்கில் நம்பர் ஒன் இடம் பிடித்துள்ளதோடு, யூடியூப்பில் 2 மில்லியன் வியூஸ் பெற்றுள்ளது.
அண்மையில், டிக் டாக், ஹலோ உள்ளிட்ட 59 சீன ஆப்களை மத்திய அரசு தடை செய்தது. டிக் டாக் தடை செய்யப்பட்டதை மையப்படுத்தி செல்லம்மா பாடல் உருவாக்கப்பட்டுள்ளது.
இந்தப் பாடலுக்கு சிவகார்த்திகேயன் பாடல் வரிகள் எழுதியுள்ளார். அனிருத் மற்றும் ஜோனிதா காந்தி ஆகியோர் இணைந்து இந்தப் பாடலை பாடியுள்ளனர்
ஆனால், வீடியோவின் பின்னணியில்
டிக் டாக் எல்லாம் பேன் அம்மா,
நேரா டூயட் பாட வாயேம்மா…
ரொம்ப ஸ்ட்ரிக்டா இருந்தது எல்லாம் போதுமா…
கொஞ்சம் ஸ்வீட்டா சிரிச்சு பேசுமா…
செல்லம்மா
