Draupathi Actor Rizwan Arrest; லாக்டவுனில் மதுவிற்ற திரௌபதி நடிகர் ரிஷ்வான் கைது! நாடே வீட்டிற்குள் முடங்கியிருக்கும் நிலையில், திரௌபதி படத்தில் நடித்த நடிகர் ரிஷ்வான் மதுவிற்றதாக கைது செய்யப்பட்டுள்ளார்.
திரௌபதி பட நடிகர் ரிஷ்வான் மதுவிற்றதாக கைது செய்யப்பட்டுள்ளார்.
கொரோனா தொற்று காரணமாக தற்போது வரை 17 ஆயிரத்திற்கும் அதிகமானோர் பாதிக்கப்பட்டுள்ளனர். மேலும், 543 பேர் பலியாகியுள்ளனர்.
தொடர்ந்து கொரோனா தொற்று அதிகரித்த வண்ணம் உள்ளது. நேற்று மட்டும் 105 பேருக்கு கொரோனா உறுதி செய்யப்பட்டது.
கொரோனா மேலும் பரவாமல் தடுக்கும் வகையில் வரும் மே 3 ஆம் தேதி வரையில் ஊரடங்கு உத்தரவு நீட்டிக்கப்பட்டுள்ளது. இதில், மதுக்கடைகளும் மூடப்பட்டுள்ளன.
இந்த நிலையில், நேற்று முன்தினம் சென்னையில் கள்ளத்தனமாக மது விற்பனை செய்து வந்த திரௌபதி பட நடிகர் ரிஷ்வான் என்பவரை போலிசார் கைது செய்துள்ளனர். மேலும், அவரது வீட்டில் இருந்து 60க்கும் அதிகமான மதுபான பாட்டிகல்களை போலீசார் பறிமுதல் செய்துள்ளனர்.
அவரிடம் மேற்கொண்ட விசாரணையில், அவருக்கு உடந்தையாக இருந்த மேலும் இருவரை போலீசார் கைது செய்துள்ளனர்.
ரிஷ்வான் இதற்கு முன்னதாக சன் மியூசிக் தொலைக்காட்சியில் தொகுப்பாளராகவும் பணியாற்றியுள்ளார்.
இது குறித்து திரௌபதி பட இயக்குனர் மோகன்.ஜி டுவிட்டரில் கருத்து தெரிவித்துள்ளார். அதில் அவர் கூறியிருப்பதாவது:
அவர் என் நண்பர் தான். பெயர் Rizwan Rizu… நடிகர்… பலகுரல் மன்னன்… Sun music முன்னாள் Video jockey.. இது கண்டிக்கத்தக்க ஒரு செயல்..
இதற்கான தண்டனையை அனுபவிக்க போறார்.. நான் எதிர்பாராத ஒரு செய்தி இது..” என மோகன் தெரிவித்துள்ளார்.
