Subramaniapuram; கண்ணாலேயே பேசிய காதல் படம்: சுப்ரமணியபுரம் வெளியாகி 12 ஆண்டுகள் நிறைவு! நடிகர் ஜெய் மற்றும் சசிகுமார் ஆகியோரது நடிப்பில் வந்த சுப்ரமணியபுரம் படம் வெளியாகி இன்றுடன் 12 ஆண்டுகள் நிறைவு பெற்றுள்ளது.
சுப்ரமணியபுரம் படம் திரைக்கு வந்து இன்றுடன் 12 ஆண்டுகள் நிறைவு பெற்றுள்ளது என்பது குறிப்பிடத்தக்கது.
இயக்குநர் சசிகுமார் இயக்கி, தயாரித்து நடித்து கடந்த 2008 ஆம் ஆண்டு ஜூலை 4 ஆம் தேதி வெளியான படம் சுப்ரமணியபுரம்.
இந்தப் படத்தில் சசிகுமார் உடன் இணைந்து ஜெய், கஞ்சா கருப்பு, சமுத்திரக்கனி, சுவாதி ஆகியோர் பலர் நடித்திருந்தனர். இந்தப் படத்திற்கு ஜேம்ஸ் வசந்த் இசையமைத்திருந்தார்.
மதுரையில் உள்ள சுப்ரமணியபுரம் பகுதியைச் சுற்றி நடந்த சம்பவம் தான் இந்தப் படம்.
சசிகுமார், ஜெய் மற்றும் கஞ்சா கருப்பு மூவரும் நண்பர்கள். எப்போதும் சண்டை சச்சரவு என்று அடிக்கடி சிறைக்கு சென்று வரும் மைனர்கள். இவர்களை தனது அரசியல் அடாவடிக்கு பயன்படுத்திக் கொள்கிறார் சசிகுமார்.
சராசரி இளைஞர்களின் வாழ்க்கை திடீரென்று வன்முறையின் கொடூர பாதையில் வளைய, அடுத்தடுத்து நடக்கும் சம்பவங்களும், துரோகங்களும் தான் படத்தின் கதை.
பெல்ஸ் பேண்ட் என்று தொடங்கி, பழைய 10 ரூபாய் நோட்டு, சில்வர் பெயிண்ட் பஸ் என்று 1980 ஆம் ஆண்டுகளில் நடந்தவற்றை எடுத்துக்காட்டியுள்ளார்.
வன்முறை கலவரத்துக்கு நடுவில் ஜெய் மற்றும் ஸ்வாதியின் காதலை பார்வையாலேயே சொல்லியிருக்கிறார் இயக்குநர் சசிகுமார்.
இந்தப் படத்தில் வரும் கண்கள் இருண்டால் என்ற பாடல் ரசிகர்களிடையே அமோக வரவேற்பு பெற்றது. இந்த நிலையில், இந்தப் படம் வெளியாகி இன்றுடன் 12 ஆண்டுகள் நிறைவடைந்துள்ளது.
இதன் காரணமாக டுவிட்டரில், #12YearsOfSubramaniapuram என்ற ஹேஷ்டேக் டிரெண்டாகி வருகிறது.
ரசிகர்கள் பலரும் இந்தப் படத்தின் புகைப்படங்களை #12YearsOfSubramaniapuram இந்த ஹேஷ்டேக் வாயிலாக பதிவிட்டு வாழ்த்து தெரிவித்து வருகின்றனர் என்பது குறிப்பிடத்தக்கது.
