Jayam Ravi Bhoomi; இவர் ஒரு நாசா விஞ்ஞானி பாஸ்! பூமி படத்தில் ஜெயம் ரவி நாசா விஞ்ஞானி என்ற கதாபாத்திரத்தில் நடித்துள்ளதாக இயக்குநர் லட்சுமண் தெரிவித்துள்ளார்.
ரோமியோ ஜூலியட், போகன் ஆகிய படங்களைத் தொடர்ந்து ஜெயம் ரவி – இயக்குநர் லட்சுமண் கூட்டணியில் உருவாகியுள்ள 3ஆவது படம் பூமி.
ஜெயம் ரவிக்கு ஜோடியாக நிதி அகர்வால் நடித்துள்ளார். மேலும், சரண்யா பொன்வண்ணன், தம்பி ராமையா ஆகியோரும் முக்கிய ரோலில் நடித்துள்ளனர்.
இமான் இசையமைத்துள்ளார். ஹோம் மூவி மேக்கர்ஸ் பட நிறுவனம் சார்பில் சுஜாதா விஜயகுமார் தயாரித்துள்ளார்.
வரும் மே 1 ஆம் தேதி தொழிலாளர்கள் தினம் மற்றும் அஜித்தின் பிறந்த நாளை முன்னிட்டு இப்படம் திரைக்கு வருகிறது.
இந்த நிலையில், இப்படம் குறித்து இயக்குநர் லட்சுமண் கூறியிருப்பதாவது: விவசாயத்தை மையப்படுத்தி இப்படம் உருவாக்கப்பட்டுள்ளது.
இப்படத்தில் ஜெயம் ரவி செவ்வாய் கிரகத்தை ஆராய்ச்சி செய்யும் நாசா விஞ்ஞானியாக நடித்துள்ளார். ஆராய்ச்சியில் தீவிரமாக ஈடுபட்டுள்ள ஜெயம் ரவி ஒரு கட்டத்தில் தனது சொந்த ஊருக்கு திரும்புகிறார்.
தஞ்சாவூருக்கு வரும் ஜெயம் ரவி விவசாயத்தைக் காப்பாற்ற போராடுகிறார். விவசாயிகளின் பிரச்சனைகளையும், அவர்களுக்குரிய தீர்வையும் பூமி படம் விளக்கியுள்ளது என்று தெரிவித்துள்ளார்.
