Jyothika: ஜோதிகா நடிப்பில் உருவாகி வரும் பொன்மகள் வந்தாள் படத்தின் ஃபர்ஸ்ட் லுக் போஸ்டர் தற்போது வெளியாகி சமூக வலைதளங்களில் வைரலாகி வருகிறது.
அஜித் நடிப்பில் வெளியான நேர்கொண்ட பார்வை படத்தில் அஜித் வழக்கறிஞராக நடித்திருந்தார். இதே போன்று தற்போது பொன்மகள் வந்தால் படத்தில் அவரைப் போன்று நடிகை ஜோதிகாவும் வழக்கறிஞராக நடிக்கிறார்.
நேர்கொண்ட பார்வை
இயக்குநர் ஹெச் வினோத் இயக்கத்தில் தல அஜித் நடிப்பில் கடந்தாண்டு வெளியான படம் நேர்கொண்ட பார்வை. முழுக்க முழுக்க பெண்களை மையப்படுத்தி இப்படம் உருவாக்கப்பட்டிருந்தது.
இப்படத்தில் அஜித் வழக்கறிஞராக கம்பீரமான தோற்றத்தில் நடித்திருந்தார். பாலிவுட்டில் அமிதாப் பச்சன் நடிப்பில் வந்த பிங்க் படத்தின் தமிழ் ரீமேக்காக இப்படம் உருவாக்கப்பட்டது என்பது குறிப்பிடத்தக்கது.
இப்படத்தில் அஜித்துடன் இணைந்து ஷ்ரத்தா ஸ்ரீநாத், அபிராமி, ரங்கராஜ் பாண்டே, டெல்லி கணேஷ், ஆண்ட்ரியா தைராங் ஆகியோர் பலர் நடித்துள்ளனர்.
நேர்கொண்ட பார்வை படத்திற்கு கிடைத்த வரவேற்பைத் தொடர்ந்து மீண்டும் இயக்குநர் ஹெச் வினோத் இயக்கத்தில் போனி கபூர் தயாரிப்பில் அஜித் வலிமை படத்தில் பிஸியாக நடித்து வருகிறார்.
ஜோதிகா – Jyothika
இந்த நிலையில், நேர்கொண்ட பார்வை படத்தில் அஜித் நடித்த கதாபாத்திரத்தைப் போன்று நடிகை ஜோதிகாவும் பொன்மகள் வந்தாள் படத்தில் கம்பீரமான தோற்றத்தில் வழக்கறிஞராக நடித்து வருகிறார்.
பொன்மகள் வந்தாள் படத்தின் ஃபர்ஸ்ட் லுக் போஸ்டர் தற்போது வெளியாகி சமூக வலைதளங்களில் வைரலாகி வருகிறது.
பொன்மகள் வந்தாள் ஃபர்ஸ்ட் லுக்
இந்த ஃபர்ஸ்ட் லுக் போஸ்டரை பார்க்கும் பொழுது, இந்தப் படம் முற்றிலும் பெண்களை மையப்படுத்திய படமாகவும், குறிப்பாக சமூகத்தில் குழந்தைகள், பெண்களுக்கு எதிராக நடக்கும் குற்றங்களை மையப்படுத்திய படமாகவும் இருக்கும் என்று தெரிகிறது.
தமிழ் சினிமா வழக்கறிஞர்கள்
இதற்கு முன்னதாக நடிகை அம்பிகா, லட்சுமி, அனுஷ்கா, நடிகர் ரஜினிகாந்த், சிவாஜி கணேசன், ஜெய் சங்கர், அஜித், விஜய், கமல் ஹாசன்,ரகுவரன், மன்சூர் அலிகான், கார்த்திக், சரத்குமார், ராதிகா ஆகியோர் பலர் வழக்கறிஞர்களாக நடித்துள்ளனர்.
அந்த வரிசையில் தற்போது நடிகை ஜோதிகாவும் களமிறங்கியுள்ளார் என்பது குறிப்பிடத்தக்கது.
வழக்கறிஞராக நடித்து வரும் ஜோதிகாவிற்கு தல ரசிகர்கள் வாழ்த்து தெரிவித்து வருகின்றனர். பொன்மகள் வந்தாள் படத்தை இயக்குநர் ஜேஜே ப்ரட்ரிக் இயக்கி வருகிறார்.
இப்படத்தில் ஜோதிகாவுடன் இணைந்து கே பாக்யராஜ், ஆர் பார்த்திபன், பிரதாப் போத்தன் ஆகியோர் பலர் நடித்து வருகின்றனர். கோவிந்த் வசந்தா படத்திற்கு இசையமைக்கிறார்.
த்ரில்லர் கதையை மையப்படுத்தி உருவாகி வரும் இப்படம் விரைவில் திரைக்கு வரயிருக்கிறது.
