JUSTICE FOR JEYARAJ AND FENIX; கொல்லவும் செய்வோம்: செய்து காட்டிய காவல்துறையினர் தண்டிக்கப்பட வேண்டும்! காவல்துறை உங்கள் நண்பன், தேவைப்பட்டால் உங்களை கொல்லவும் செய்வோம் என்று செய்து காட்டிய காவல்துறையை சார்ந்த சிலர் தண்டிக்கப்பட வேண்டும் என்று காவல் துறை உங்கள் நண்பன் படக்குழுவினர் வேண்டுகோள் வைத்துள்ளனர்.
சாத்தான்குள சம்பவம் குறித்து காவல்துறை உங்கள் நண்பன் படக்குழுவினர் வேண்டுகோள் வைத்துள்ளனர்.
தூத்துக்குடி மாவட்டம் சாத்தான்குளத்தில் ஜெயராஜ் மரக்கடையும், இவரது மகன் பென்னிக்ஸ் செல்போன் கடையும் நடத்தி வந்துள்ளனர். இந்த நிலையில், கடந்த 19 ஆம் தேதி கடையடைப்பது தொடர்பாக போலீசாருக்கும், பென்னிக்ஸ், ஜெயராஜ் ஆகியோருக்கும் இடையில் கடும் வாக்கு வாதம் ஏற்பட்டுள்ளது.
இதையடுத்து, இருவரையும் போலீசார் கைது செய்து கோவில்பட்டி சப் ஜெயிலில் அடைத்தனர். இந்த நிலையில், உடல்நலக் குறைவு ஏற்பட்டு ஜெயராஜ் மற்றும் பென்னீக்ஸ் ஆகியோர் அடுத்தடுத்து உயிரிழந்தனர்.
இச்சம்பவம் தமிழகத்தில் பெரும் பரபரப்பை ஏற்படுத்தியுள்ளது. மேலும், இச்சம்பவத்திற்கு காரணமாக போலீஸ் அதிகாரிகள் பணியிடை நீக்கம் செய்யப்பட்டுள்ளனர். மேலும், மற்ற போலீசார் பணிமாறுதல் செய்யப்பட்டுள்ளனர்.
சாத்தான்குளம் சம்பவம் தொடர்பாக இன்று தமிழகம் முழுவதும் வணிகர்கள் முழு கடையடைப்பு போராட்டம் நடத்தி வருகின்றனர். இந்த நிலையில், இச்சம்பவம் தொடர்பாக சினிமா பிரபலங்கள் பலரும் கருத்து தெரிவித்து வருகின்றனர்.
அந்த வகையில், காவல்துறை உங்கள் நண்பன் படக்குவினர் தங்களுக்கு உரிய ஸ்டைலில் போஸ்டர் வெளியிட்டு வேண்டுகோள் வைத்துள்ளனர்.
அதில், காவல்துறை உங்கள் நண்பன், தேவைப்பட்டால் உங்களை கொல்லவும் செய்வோம் என்று செய்து காட்டிய காவல்துறையை சார்ந்த சிலர் தண்டிக்கப்பட வேண்டும் என்று காவல் துறை உங்கள் நண்பன் படக்குழுவினர் போஸ்டர் வெளியிட்டுள்ளனர். மேலும், அந்த போஸ்டரில், #JUSTICEFORJEYARAJANDFENIX என்று குறிப்பிட்டுள்ளனர்.
இயக்குநர் ஆர்டிஎம் இயக்கத்தில் மைம் கோபி, ரவீனா ரவி, சுரேஷ் ரவி ஆகியோர் பலர் நடிப்பில் காவல்துறை உங்கள் நண்பன் படம் உருவாகி வருகிறது. ஆதித்யா சூர்யா இந்தப் படத்திற்கு இசையமைத்துள்ளார். இந்த ஆண்டு இறுதிக்குள் இந்தப் படம் வெளியாகும் என்று எதிர்பார்க்கப்படுகிறது.
