Lyricist Vivek Birthday Today; ஆளப்போறான் தமிழன்: பாடலாசிரியர் விவேக் பர்த்டே டுடே! பாடலாசிரியர் விவேக் இன்று தனது 35ஆவது பிறந்தநாளை கொண்டாடுகிறார்.
பாலாசிரியர் விவேக் பிறந்தநாள் இன்று…
கடந்த 2015 ஆம் ஆண்டு திரைக்கு வந்த எனக்குள் ஒருவன் படத்தின் மூலம் பாடலாசிரியராக அறிமுகமானவர் விவேக்.
தற்போது வரை 100க்கும் அதிகமான பாடல்களை எழுதி அசத்தியுள்ளார்.
கோலிவுட்டில் தனது ரசிகர்களை பாடல் வரிகள் மூலம் கவர்ந்த விவேக் இன்று தனது 35 ஆவது பிறந்தநாளை கொண்டாடுகிறார்.
இதையடுத்து, ரசிகர்கள், பிரபலங்கள் என்று பலரும் அவருக்கு பிறந்தநாள் வாழ்த்து தெரிவித்து வருகின்றனர்.
கடந்த 5 ஆண்டுகளாக பல்வேறு ஜானர்களில் புதுவிதமான பாடல் வரிகளைக் கொண்டு 40 க்கும் அதிகமான படங்களுக்கு பாடல் வரிகள் அமைத்துள்ளார்.
தளபதி விஜய் நடிப்பில் வந்த மெர்சல் படத்தில் வரும் ஆளப்போறான் தமிழன் பாடல் முதல் சூர்யா நடிப்பில் வெளியாக இருக்கும் சூரரைப் போற்று படத்தில் உள்ள வெய்யோ சில்லி பாடல் வரை இவரது பாடல்கள் ரசிகர்களை கவரும் வகையிலேயே அமைந்துள்ளது.
ஆளப்போறான் தமிழன் பாடல் 100 மில்லியன்னுக்கும் அதிகமான வியூஸ் பெற்றுள்ளது. இந்தப் பாடலுக்காக பல விருதுகளையும் விவேக் பெற்றுள்ளார்.
பேட்ட மரண மாஸ் பாடலை எழுதியதே இவர்தான். கார்த்திக் சுப்புராஜ் இயக்கத்தில் ரஜினிகாந்த், சிம்ரன், த்ரிஷா, மாளவிகா மோகனன் நடிப்பில் வந்த பேட்ட படத்தில் இடம்பெற்ற மரண மாஸ் பாடலுக்கு பாடல் வரிகள் அமைத்துள்ளார்.
இந்தப் பாடல் யூடியூப்பில் மட்டும் 130 மில்லியனுக்கும் அதிகமான வியூஸ் பெற்றுள்ளது என்பது குறிப்பிடத்தக்கது.
பிகில் சிங்கப்பெண்ணே, வட சென்னை என்னாடி மாயாவி நீ என்ற பாடல் உள்பட ஏராளமான பாடல்களுக்கு பாடல் வரிகள் அமைத்துக் கொடுத்துள்ளார்.
தற்போது சுதா கொங்கரா இயக்கத்தில் சூர்யா நடிப்பில் உருவாக்கப்பட்டுள்ள சூரரைப் போற்று படத்தில் இடம்பெற்றுள்ள வெய்யோன் சில்லி என்ற பாடலுக்கு பாடல் வரிகள் அமைத்துக் கொடுத்து ரசிகர்கள் மனதில் நீங்கா இடம் பிடித்துள்ளார்.
