Shanthanu KiKi YouTube Channel; மனைவியுடன் சேர்ந்து யூடியூப் சேனல் தொடங்கிய மாஸ்டர் பட நடிகர்! மாஸ்டர் படத்தில் நடித்த நடிகர் சாந்தனு தனது மனைவி கிகியுடன் இணைந்து யூடியூப் சேனல் ஒன்றை தொடங்கியுள்ளார்.
சாந்தனு மற்றும் கிகி இருவரும் இணைந்து யூடியூப் சேனல் ஒன்றை தொடங்கியுள்ளனர்.
நாட்டையே ஒரு உலுக்கு உலுக்கியது கொரோனா வைரஸ். உலகம் முழுவதும் பல்வேறு துறைகள் பாதித்ததோடு, பொருளாதார வீழ்ச்சியும் உண்டானது.
இந்தியாவிலும் கொரோனா தாக்குதல் அதிகரித்து வருகிறது. அதில், குறிப்பாக தமிழகத்தில் சென்னையில் தான் கொரோனாவின் பாதிப்பு தினந்தோறும் அதிகரித்து வருகிறது.
கொரோனா பாதிப்பு காரணமாக வரும் 17 ஆம் தேதி வரையில் லாக்டவுன் நீட்டிக்கப்பட்டுள்ளது. கிட்டத்தட்ட 50 நாட்கள் அப்பாவி ஜனங்கள் முதல் பிரபலங்கள் வரை அனைவருமே வீட்டிற்குள்ளேயே முடங்கியிருக்கும் நிலை ஏற்பட்டது.
வீட்டிலேயே இருப்பதால், என்ன செய்வதென்று தெரியாதல் சிக்கித் தவித்து வந்த பிரபலங்கள் பலரும் இருக்கத்தான் செய்கிறார்கள்.
இன்னும் சிலர், தங்களது அன்றாட பணிகளை வீடியோ, புகைப்படங்களாக எடுத்து இன்ஸ்டாகிராம் பக்கத்தில் பதிவிட்டு வருகின்றனர்.
சிலர் ஓவியம் வரைவது, சமையல் செய்வது, வீட்டு வேலை பார்ப்பது, தோட்ட வேலை பார்ப்பது என்று தங்களை பிஸியாக வைத்துக் கொண்டுள்ளனர்.
அந்த வகையில், இந்த இரு பிரபலங்கள் அவற்றிற்கும் மேலாக புதிதாக ஏதாவது செய்ய வேண்டும் என்ற நோக்கத்தில் யூடியூப் சேனலை தொடங்கியுள்ளனர்.
ஆம், நடிகர் சாந்தனு மற்றும் அவரது மனைவி கிகி இருவரும் இணைந்து வித் லவ் சாந்தனு கிகி (#WithLoveShanthnuKiki) என்ற பெயரில் புதிதாக யூடியூப் சேனல் ஒன்றை தொடங்கியுள்ளனர்.
இது குறித்து அவர்கள் வெளியிட்டுள்ள வீடியோவில் கூறியிருப்பதாவது: முதல் முறையாக நானும் கிகியும் சேர்ந்து ஒரு யூடியூப் சேனல் ஆரம்பிச்சிருக்கோம் ‘வித் லவ் சாந்தனு கிகி’.
Quarantineல என்ன பண்றதுனு எங்களுக்கு தெரியல. ஏதாவது வீடியோ அப்லோடு பண்ணலாம் என்றால் அதற்கு சொந்தமாக ஒரு சேனல் வேண்டும் என யோசித்தோம்.
நிறைய வீடியோஸ் போட போறோம். மிஸ் பண்ணாம பாருங்க. சேனலை சப்ஸ்க்ரைப் பண்ணுங்க.
கடைசில் என்னையும் அதை சொல்ல வச்சிட்டாங்களே என்று சாந்தனு வருத்தப்பட்டுக் கொண்டே இதனை தெரிவித்துள்ளார் என்பது குறிப்பிடத்தக்கது.
தற்போது சாந்தனு நடிகர் விஜய்யுடன் இணைந்து மாஸ்டர் படத்தில் நடித்து முடித்துள்ளார். இந்தப் படத்தின் ரிலீஸுக்காக காத்துக்கொண்டிருக்கிறார்.
இப்படத்திற்கு கிடைக்கும் வரவேற்பைத் தொடர்ந்து அடுத்தடுத்த படங்களில் ஹீரோவாக நடிக்கும் வாய்ப்பு சாந்தனுவிற்கு கிடைக்கும் என்று எதிர்பார்க்கப்படுகிறது.