Srikanth Corona Advice; கொரோனாவை பாத்து ஓடி ஒழிந்த ஸ்ரீகாந்த்: வைரலாகும் வீடியோ! கொரோனா வைரஸ் தொற்று காரணமாக ஊரே வெளியில் வராமல் இருக்கும் போது ஸ்ரீகாந்த் மட்டும் ஜாலியாக பைக் சாவியை எடுத்து வெளியில் புறப்பட்ட நிலையில், கொரோனாவை பாத்து ஓடி ஒழிந்துள்ளார்.
கொரோனாவை பாத்து ஓடி ஒழிந்த ஸ்ரீகாந்தின் வீடியோ சமூக வலைதளங்களில் வைரலாகி வருகிறது.
கொரோனா தொற்று காரணமாக தற்போது வரை 17 ஆயிரத்திற்கும் அதிகமானோர் பாதிக்கப்பட்டுள்ளனர். மேலும், 543 பேர் பலியாகியுள்ளனர்.
தொடர்ந்து கொரோனா தொற்று அதிகரித்த வண்ணம் உள்ளது. நேற்று மட்டும் 105 பேருக்கு கொரோனா உறுதி செய்யப்பட்டது.
கொரோனா மேலும் பரவாமல் தடுக்கும் வகையில் வரும் மே 3 ஆம் தேதி வரையில் ஊரடங்கு உத்தரவு நீட்டிக்கப்பட்டுள்ளது.
இந்த நிலையில், யாரெல்லாம் வீட்டை விட்டு வெளியில் செல்கிறார்களோ அவர்களை எல்லாம் கொரோனா தாக்கும் என்று கூறி ஸ்ரீகாந்த் கொரோனா விழிப்புணர்வு வீடியோவை வெளியிட்டுள்ளார்.
அந்த வீடியோவில் வெளியில் புறப்படும் ஸ்ரீகாந்த் கதவை திறந்து வெளியில் எட்டிப் பார்க்கும் போது கொரோனா இருக்கிறது என்று கூறி கதவை சாத்திவிட்டு மீண்டும் வீட்டிற்குள் வருகிறார்.
எங்க வீட்டுக்கு வெளியே மட்டும் இல்ல, யார் வீட்டுக்கு வெளியேவும் கொரோனா நின்றுகொண்டிருக்கலாம்.
கொரோனா பாசிட்டிவ் இருக்கும் ஒரு ஆள் வெளியில் சுற்றினால் அந்த ஒரு ஆளிடமிருந்து ஒரு மாதத்திற்கு 406 பேருக்கு அது பரவுவதற்கு வாய்ப்பிருக்கிறது. அந்த 406 பேர் வெளியில் சுற்றினால் 406x406x406x…என போய்க்கொண்டே இருக்கும்.
சின்ன வயதில் கண்ணாமூச்சி விளையாட்டு விளையாடும் போது தொட்டால் அவுட் என்றபடி தான் கொரோனாவும்.
வீட்டை விட்டு வெளியில் வராமல் இருந்தால் மட்டுமே கொரோனாவிற்கு முடிவு கட்ட முடியும். சும்மா ஹாலிடே என்று வெளியில் சுற்றினால்…..என்று கூறுகிறார்.
இவரைத் தொடர்ந்து தமிழக முதல்வர் அந்த வீடியோவில் பேசுகிறார் என்பது குறிப்பிடத்தக்கது.
