Thala Ajith Valimai Salary; சம்பளத்தைக் குறைத்துக் கொண்ட தல அஜித்: போனி கபூருக்கு மெயில்! வலிமை படத்திற்காக தனது சம்பளத்தின் ஒரு பகுதியை குறைத்துக் கொள்ள தயார் என்று தயாரிப்பாளர் போனி கபூருக்கு தல அஜித் மெயில் அனுப்பியதாக தகவல் வெளியாகியுள்ளது.
சம்பளத்தின் ஒரு பகுதியை தல அஜித் குறைத்துக் கொண்டதாக தகவல் வெளியாகியுள்ளது.
தமிழ் சினிமாவில் தனது விடா முயற்சி, தன்னம்பிக்கை ஆகியவற்றின் மூலம் முன்னேறியவர் தல அஜித். ஏராளமான ஹிட் படங்களை கொடுத்துவிட்டு, அவரது வேலையை மட்டும் பார்த்து வருகிறார்.
அவர் உண்டு அவரது வேலை உண்டு என்று இருப்பவர். எப்போதும் ரசிகர்களை மதிக்கும் நடிகர் என்றால், தல அஜித். ரசிகர்கள் விரும்பினால், செல்ஃபி எடுத்து கொள்ளவும் தயங்கமாட்டார்.
இவரது நடிப்பில் கடந்த ஆண்டு விஸ்வாசம் மற்றும் நேர்கொண்ட பார்வை ஆகிய படங்கள் அடுத்தடுத்து வெளியாகி ஹிட் படங்களாக அமைந்தன. இந்தப் படங்களுக்கு கிடைத்த வரவேற்பைத் தொடர்ந்து அஜித் தனது 60 ஆவது படமான தல60 படத்தில் நடித்து வருகிறார்.
இந்தப் படத்திற்கு வலிமை என்று டைட்டில் வைக்கப்பட்டுள்ளது. இயக்குநர் ஹெச் வினோத் தயாரிப்பாளர் போனி கபூர் கூட்டணியில் இந்தப் படம் உருவாகி வருகிறது. இப்படத்தின் படப்பிடிப்பு சென்னை மற்றும் ஹைதராபாத் ஆகிய பகுதிகளில் நடந்து வந்தது.
இந்த நிலையில், நாட்டையே அச்சுறுத்திய கொரோனா காரணமாக அனைத்து படங்களின் படப்பிடிப்பும் நிறுத்தி வைக்கப்பட்டது. அதோடு, திரையரங்குகளும் மூடப்பட்டுள்ளன. மேலும், சினிமா தொழிலாளர்களின் வாழ்வாதாரம் முற்றிலும் பாதிக்கப்பட்டது.
இதன் காரணமாக சினிமா பிரபலங்கள் அஜித், விஜய், ரஜினிகாந்த், விஜய் சேதுபதி, சூர்யா, தனுஷ், சிவகார்த்திகேயன், ஹரிஷ் கல்யாண், பிரகாஷ் ராஜ், சூரி, நயன்தாரா என்று பலரும் தங்களால் முடிந்த நிதியுதவி மற்றும் பொருளுதவி செய்தனர்.
மேலும், பல கோடி பொருட்செலவில் படம் தயாரித்த தயாரிப்பாளர்களுக்கு ஏற்பட்டுள்ள நஷ்டத்தை ஈடு கெட்டும் வகையில், நடிகர், நடிகைகள் தங்களது சம்பளத்தை குறைத்து வருகின்றனர்.
அந்த வகையில், தற்போது தல அஜித் வலிமை படத்திற்காக தனது சம்பளத்தின் ஒரு பகுதியை குறைத்து கொள்ள தயார் என்று கூறி தயாரிப்பாளர் போனி கபூருக்கு இமெயில் அனுப்பியதாக தகவல் வெளியாகியுள்ளது.
ஆனால், வலிமை படத்தின் அஜித்தின் சம்பளம் எவ்வளவு, அவர் எவ்வளவு சம்பளத்தை குறைத்திருக்கிறார் என்பது குறித்து எந்த தகவலும் இல்லை.
அஜித் அனுப்பிய இமெயிலுக்கு போனி கபூர் என்ன பதில் கொடுத்தார் என்பது குறித்தும் தகவல் இதுவரை வெளியாகவில்லை என்பது குறிப்பிடத்தக்கது.
