Vanitha Peter Paul Wedding; லிப் டூ லிப் கிஸ் உடன் களைகட்டிய திருமணம்: கிறிஸ்துவ முறைப்படி நடந்த வனிதா மேரேஜ்! வனிதா பீட்டர் பால் திருமணம் இன்று கிறிஸ்துவ முறைப்படி மிகவும் சிறப்பாக கொண்டாட்டத்துடன் நடந்து முடிந்துள்ளது.
லிப் டூ லிப் கிஸ் உடன் வனிதா பீட்டர் பால் திருமணம் களைகட்டியுள்ளது. வனிதாவின் திருமணம் கிறிஸ்துவ முறைப்படி மிகவும் சிறப்பாக நடந்து முடிந்துள்ளது.
நடிகர் விஜயகுமாரின் மகளான வனிதா கடந்த 1995 ஆம் ஆண்டு விஜய் நடித்த சந்திரலேகா படத்தின் மூலம் தமிழ் சினிமாவில் ஹீரோயினாக அறிமுகமானார்.
இந்தப் படத்தைத் தொடர்ந்து நடித்த, மாணிக்கம், நான் ராஜாவாக போகிறேன், சும்மா நச்சுன்னு இருக்கு, எம்ஜிஆர் சிவாஜி ரஜினி கமல் ஆகிய படங்கள் ரசிகர்களிடையே போதிய வரவேற்பு பெறவில்லை. இதன் காரணமாக வனிதா சினிமாவிலிருந்து ஒதுங்கினார்.
கடந்த 2000 ஆம் ஆண்டு ஆகாஷ் என்பவரை திருமணம் செய்து கொண்டார். அப்போது வனிதாவிற்கு வயது 19. ஆகாஷ் – வனிதா தம்பதியினருக்கு விஜய் ஸ்ரீஹரி என்ற மகனும், ஜோவிகா என்ற மகளும் இருக்கின்றனர்.
திருமண வாழ்க்கையில் ஏற்பட்ட கருத்து வேறுபாடு காரணமாக 2007 ஆம் ஆண்டு விவகாரத்து பெற்றார். அதன் பின்னர், அதே ஆண்டில் ஆந்திராவைச் சேர்ந்த ராஜன் ஆனந்த் என்பவரை 2ஆவது திருமணம் செய்து கொண்டார்.
ராஜன் ஆனந்த் – வனிதா தம்பதியினருக்கு ஜெயந்திகா என்ற மகள் இருக்கிறார். இந்த திருமணமும் 2010 ஆம் ஆண்டு முடிவுக்கு வந்தது.
தற்போது வனிதா, ஜோவிகா மற்றும் ஜெயந்திகா ஆகிய இரு மகள்களுடன் வாழ்ந்து வருகிறார். கடந்த பிக் பாஸ் நிகழ்ச்சியில் கலந்து கொண்டு ரசிகர்களிடையே அதிக பிரபலமானார். அதோடு, சர்ச்சையிலும் சிக்கினார்.
இதையடுத்து குக் வித் கோமாளி நிகழ்ச்சியில் கலந்து கொண்டு டைட்டில் வெற்றி பெற்றதோடு, தனது சர்ச்சைகளுக்கு எல்லாம் முற்றுப்புள்ளி வைத்தார்.
மேலும், பிக் பாஸ் வனிதா வேறு தற்போது இருக்கும் வனிதா வேறு என்று அனைவருக்கும் புரிய வைத்தார்.
இதையடுத்து, அண்மையில், யூடியூப் சேனல் ஒன்றை தொடங்கி அதில், தனது சமையல் குறிப்பு வீடியோக்களை பதிவிட்டு வருகிறார்.
இந்த நிலையில், வரும் 27 ஆம் தேதி பீட்டர் பால் என்பவரை 3ஆவதாக திருமணம் செய்து கொள்ள இருப்பதாக வனிதா அறிவித்தார்.
அவர் அறிவித்தபடியே இன்று வனிதா – பீட்டர் பால் திருமணம் மிகவும் எளிமையாக கிறிஸ்துவ முறைப்படி நடந்து முடிந்துள்ளது.
இந்த திருமண நிகழ்ச்சியில், வனிதாவின் மகள்கள் கலந்து கொண்டனர். திருமணத்தின் போது எடுக்கப்பட்ட புகைப்படங்கள் சமூக வலைதளங்களில் வேகமாக பரவி வருகிறது.
திருமணத்தின் போது வனிதா வெள்ளை நிறத்தில் ஆடை அணிந்திருந்தார். திருமணத்தைத் தொடர்ந்து வனிதாவிற்கு பீட்டர் பால் லிப் டூ லிப் முத்தம் கொடுத்தார்.
தொடர்ந்து இருவரும் கேக் வெட்டி தங்களது திருமணத்தை உற்சாகமாக கொண்டாடியுள்ளார்.
வனிதாவின் திருமணத்திற்கு அவரது அம்மா மஞ்சுளா வைர மோதிர பரிசாக அளித்துள்ளார். அந்த மோதிரத்தை தனது இன்ஸ்டாகிராம் பக்கத்தில் வனிதா பதிவிட்டுள்ளார் என்பது குறிப்பிடத்தக்கது.
இனி வனிதா விஜயகுமார் இல்லை. இனிமேல், வனிதா பீட்டர் பால். ஆம், இது குறித்து அவரே கூறியிருந்தார்.
பீட்டர் பாலை 3ஆவது திருமணம் செய்து கொண்ட வனிதாவிற்கு பிரபலங்கள், நண்பர்கள் பலரும் தங்களது வாழ்த்துக்களை தெரிவித்து வருகின்றனர். ஹலோவில் வனிதா திருமணம் என்ற ஹேஷ்டேக் டிரெண்டாகி வருகிறது.
