Nayanthara Corona Virus? என்னது நயன்தாராவுக்கு கொரோனா? ஷாக்கான விக்னேஷ் சிவன் டுவீட்! லேடி சூப்பர்ஸ்டார் நயன்தாராவுக்கு கொரோனா தொற்று பரவியுள்ளதாக வெளியான தகவல் பற்றி விக்னேஷ் சிவன் கருத்து தெரிவித்துள்ளார்.
தனது காதலியும், நடிகையுமான நயன் தாராவுக்கு கொரோனா தொற்று ஏற்பட்டுள்ளதாக வெளியான செய்தி அறிந்து ஷாக்கான காதலன் விக்னேஷ் சிவன் அதற்கு விளக்கம் கொடுத்துள்ளார்.
தமிழ் சினிமாவில் நம்பர் ஒன் நடிகையாகவும், லேடி சூப்பர்ஸ்டாராகவும் திகழ்பவர் நடிகை நயன்தாரா. இவரும், இயக்குநர் விக்னேஷ் சிவனும் காதலித்து வருவது அனைவரும் அறிந்த ஒன்று.
ஆனால், எப்போது இருவரும் திருமணம் செய்து கொள்வார்கள் என்பது பற்றிதான் யாருக்கும் தெரியாது. ஏன் அவர்களுக்கே தெரியாது என்று கூட கூறலாம்.
இது ஒரு புறம் இருக்க, நாட்டையே உலுக்கிய கொரோனா வைரஸ் காரணமாக முழு ஊரடங்கு பிறப்பிக்கப்பட்டு அனைவரும் வீட்டிலேயே இருக்கின்றனர்.
இந்த நிலையில், நயன்தாராவுக்கும், விக்னேஷ் சிவனுக்கும் கொரோனா தொற்று ஏற்பட்டுள்ளதாக செய்தி வெளியாகி வந்தது.
என்னது நயன் தாராவுக்கு கொரோனா என்று அனைவரும் அதிர்ச்சியடைந்தனர். ஆனால், அதற்கெல்லாம் விளக்கம் கொடுக்கும் வகையில், இயக்குநரும், நயன்தாராவின் காதலருமான விக்னேஷ் சிவன் டுவிட்டரில் ஒரு வீடியோ வெளியிட்டுள்ளார்.
நயன்தாரா மற்றும் விக்னேஷ் சிவன் இருவரும் குழந்தை முக தோற்றத்தில் இருப்பது போன்றும், நடனமாடுவது போன்றும் இருக்கும் ஒரு வீடியோவை பதிவிட்டுள்ளார். அந்த வீடியோ சமூக வலைதளங்களில் வைரலாகி வருகிறது.
அந்த வீடியோவைத் தொடர்ந்து, எங்களைப் பற்றிய செய்திகளை நாங்கள் இப்படித்தான் பார்ப்போம். கொரோனா வைரஸ் மற்றும் நாங்கள் இறந்து விட்டது போல புகைப்படங்களை டிசைன் செய்த உங்களையும் அப்படித்தான் பார்க்கிறோம்.
ஹாய் நாங்கள் உயிரோடுதான் இருக்கிறோம். மகிழ்ச்சியோடும், ஆரோக்கியத்தோடும் தான் இருக்கிறோம்.
உங்களைப் போன்ற ஜோக்கர்களின் கற்பனை மற்றும் முட்டாள்தனமான ஜோக்குகள் ஆகியவற்றை பார்க்க கடவுள் எங்களுக்கு போதுமான அளவிற்கு வலிமையையும், மகிழ்ச்சியையும் கொடுத்திருக்கிறார் என்று பதிவிட்டுள்ளார் என்பது குறிப்பிடத்தக்கது.
நயன்தாரா தற்போது நடிகர், ஆர்.ஜே.பாலாஜி இயக்கத்தில் உருவாகி வரும் மூக்குத்தி அம்மன் படத்தில் நடித்து வருகிறார். இந்தப் படத்துடன் இணைந்து காத்து வாக்குல ரெண்டு காதல் என்று டைட்டில் வைக்கப்பட்டுள்ள படத்தில் நடித்து வருகிறார்.
இந்தப் படத்தில், விஜய் சேதுபதி, சமந்தா ஆகியோரும் நடிக்கின்றனர். வரும் ஆகஸ்ட் மாதம் இந்தப் படத்தின் படப்பிடிப்பு தொடங்கப்படும் என்று குறிப்பிடப்பட்டுள்ளது.
ஆனால், நாட்டில் தற்போது இருக்கும் நிலையில், படத்தின் படப்பிடிப்பு தள்ளி வைக்கப்படும் என்று எதிர்பார்க்கப்படுகிறது.
