மோடிஜி கூப்டா ஹே: பாதுகாப்பாக பதுங்கிய விஜய்!
நாடாளுமன்ற தேர்தல் 2019. இன்னும் சில வாரங்களில் சூடுபிடிக்க உள்ளது. பல அதிரடி நிகழ்வுகள் இந்தியா முழுவதும் அரங்கேறும்.
தேர்தல் கடைசி நிமிடத்தில் கூட பல அதிரடி மாற்றங்களை தமிழக கட்சிகள் வழக்கம்போல் சந்திக்கும்.
சென்ற தேர்தலில் மாநிலம் மாநிலமாக சென்ற மோடி, அந்த மாநிலத்தின் முக்கிய நடிகர்களை வழியச்சென்று சந்தித்து ஆதரவைத் திரட்டினார்.
தமிழகத்தில் ரஜினி, விஜய் என இருக்கு முக்கிய நடிகர்களைச் சந்தித்தும் பாஜகவின் தாமரை தமிழகத்தில் மட்டும் மலரவே இல்லை.
இந்த முறையும் முட்டி மோதிப் பார்கின்றனர். எந்த நடிகர்கள் ஆதரவுகளை எல்லாம் திரட்டலாம் என ஒரு லிஸ்ட் ரெடி செய்துகொண்டு உள்ளனர்.
அந்த லிஸ்டில் அஜித் பெயரும் இருந்தது. ரசிகர்கள் பாஜகவில் சேர்ந்த செய்தியைக் கேட்டதுமே, பாஜகவை வாயடைக்கச் செய்யும்படி அறிக்கை வெளியிட்டு விட்டார்.
அடுத்து நம்ம விஜய். நேரடியா விஜய்யிடம் செல்லாமல் மறைமுகமாக வலை வீசியுள்ளனர் பாஜகவினர்.
திரைப்படங்களை ஆன்லைனில் திருட்டுத்தனமாக வெளியிடுகின்றனர். இதை தடுக்க மோடி முக்கிய நடவடிக்கைகள் எடுக்க உள்ளார்.
இதனால் அந்தந்த மாநிலத்தில் உள்ள முக்கிய நடிகர்கள், தயாரிப்பாளர்களுடன் கலந்துரையாட பிரதமர் விரும்புகிறார் என விஜய்யிடம் கூறியுள்ளனர்.
சென்ற தேர்தலில் ஜெ.வுக்கும் விஜய்க்கும் ஆகாது இதனால் தனக்கு செல்வாக்கு இருக்கு என்பதைக்காட்ட மோடியைச் சந்தித்து லேடியை மிரட்டினார்.
இந்த முறை விஜய்க்கு குடைச்சல் கொடுத்த லேடி இல்லை. விஜய்க்கு பஜாகவால் இந்த ஆட்சியில் எந்த நன்மையும் இல்லை.
அதேநேரம், பாஜகவிற்கு ஆதரவு குடுக்கப்போய் அடுத்து ஆட்சியில் திமுக வந்தால் அதை பகைத்துக்கொள்ள வேண்டிய நிலை வரும். இதனால், நா வீட்டுலயே இல்லை என பாதுகாப்பாக பதுங்கிக்கொண்டார்.
எலக்சன் நேரத்துல புலி யாருமேல பாயிறதுக்கு பதுங்கிட்டு இருக்கோ தெரியல?
