Rana Daggubati Love; லவ் தான் ஓகே ஆகியிருக்கு: ராணாவை கலாய்க்கும் மீம்ஸ் கிரியேட்டர்ஸ்! பாகுபலி வில்லன் நடிகர் ராணா டகுபதி தனது காதல் குறித்தும், காதலி குறித்தும் வெளிப்படையாக அறிவித்துள்ள நிலையில் மீம்ஸ் கிரியேட்டர்ஸ் அவரை கலாய்க்கும் வகையில், மீம்ஸ் உருவாக்கி டிரெண்டாக்கி வருகின்றனர்.
ராணா டகுபதி மற்றும் அவரது காதலியின் புகைப்படத்தை வைத்து மீம்ஸ் கிரியேட்டர்ஸ் மீம்ஸ் உருவாக்கி வருகின்றனர்.
கடந்த 2010 ஆம் ஆண்டு திரைக்கு வந்த லீடர் படத்தின் தெலுங்கு சினிமாவில் நடிகராக அறிமுகமானவர் ராணா டகுபதி. இவர், பிரபல தயாரிப்பாளர் சுரேஷ் பாபுவின் மகன்.
தல அஜித் நடித்த ஆரம்பம் படத்தின் மூலம் தமிழ் சினிமாவில் அறிமுகமானார். அதன் பிறகு பாகுபலி, பாகுபலி 2 ஆகிய படங்களில் நடித்து தனது மார்க்கெட்டை உயர்த்தினார். இஞ்சி இடுப்பழகி, எனை நோக்கி பாயும் தோட்டா ஆகிய படங்களில் சிறப்புத் தோற்றத்தில் நடித்துள்ளார்.
தற்போது மடை திறந்து, காடன் ஆகிய படங்களில் நடித்து வருகிறார். 36 வயதாகும் ராணாவுக்கு இதுவரை திருமணம் ஆகவில்லை. இதனால் என்னவோ பல நடிகைகளுடன் கிசுகிசுக்கப்பட்ட்டது.
இந்த நிலையில், தனது காதலி யார் என்பது பற்றியும், அவரது புகைப்படத்தையும் வெளிப்படையாகவே தெரிவித்துள்ளார்.
ஹைதராபாத்தைச் சேர்ந்த மிஹீகா பஜாஜ் தான் தனது காதலி என்று அவரை அறிமுகம் செய்துள்ளார்.
அவரிடம் தனது காதலை வெளிப்படுத்தியதற்கு தற்போது ஒரு வழியாக அவரும் ஓகே சொல்லிவிட்டார் என்று தனது இன்ஸ்டாகிராம் பக்கத்தில் அவருடன் இருக்கும் புகைப்படத்தை சந்தோஷமாக பகிர்ந்துள்ளார்.
இவர்களது புகைப்படம் தான் தற்போது சமூக வலைதளங்களில் கொரோனாவை விட வேகமாக வைரலாகி வருகிறது.
மிஹீகா பஜாஜ் ஹைதராபாத்தில் டியூ டிராப் டிசைன் ஸ்டூடியோஸ் என்ற நிறுவனத்தை நடத்தி வருகிறார்.
நிகழ்ச்சி மேலாண்மை (Event Management), ஆடை வடிவமைப்பு, பர்ஸ், ஹேண்ட்பேக் வடிவமைப்பு உள்ளிட்ட பணிகளை தனது டியூ டிராப் டிசைன் ஸ்டூடியோஸ் நிறுவனத்தின் மேலும் மேற்கொண்டு வருகிறார்.
அதோடு மாடலாகவும் இருந்து வருகிறார். சில விளம்பரங்களிலும், அட்டைப் படங்களிலும் தோன்றியுள்ளார் என்பது குறிப்பிடத்தக்கது.
இந்த நிலையில், இப்பொழுது தான் தனது காதல் குறித்தும் காதலி குறித்தும் ராணா டகுபதி வெளிப்படையாக அறிவித்துள்ளார்.
ஆனால், அதற்குள்ளாக அவர்களது புகைப்படங்களை வைத்து மீம்ஸ் கிரியேட்டர்ஸ் தாறுமாறாக மீம்ஸ் உருவாக்கி இன்ஸ்டாகிராம் பக்கத்தில் பதிவிட்டு வருகின்றனர்.
அதில், பாகுபலி படத்தில் வரும் ரம்யா கிருஷ்ணன், ராணா டகுபதி, அனுஷ்கா புகைப்பட காட்சியை வைத்தும், பிரபாஸ் – ராணா டகுபதி காட்சியை வைத்தும், கட்டப்பாவை வைத்தும் மீம்ஸ் உருவாக்கி மிஹீகா பஜாஜின் இன்ஸ்டாகிராமில் பதிவிட்டு வருகின்றனர்.
