Malavika Mohanan Salary; நயன்தாராவை விட மாளவிகா மோகனனுக்கு அதிக சம்பளமா? நயன்தாராவை விட மாஸ்டர் பட நடிகை மாளவிகா மோகனன் அதிக சம்பளம் வாங்குவதாக கூறப்படுகிறது.
மாளவிகா மோகனன் அதிக சம்பளம் வாங்குவதாக தகவல் வெளியாகி வருகிறது.
கார்த்திக் சுப்புராஜ் இயக்கத்தில் ரஜினிகாந்த், மாளவிகா மோகனன், சிம்ரன், சசிகுமார், த்ரிஷா, மேகா ஆகாஷ் ஆகியோரது நடிப்பில் கடந்த 2019 ஆம் ஆண்டு பொங்கல் பண்டிகையை முன்னிட்டு திரைக்கு வந்த படம் பேட்ட.
இந்தப் படம் விமர்சன ரீதியாகவும், வசூல் ரீதியாகவும் நல்ல வரவேற்பு பெற்றது. இந்தப் படத்தில் நடிகர் சசிகுமாருக்கு மனைவியாக நடிகை மாளவிகா மோகனன் நடித்திருந்தார்.
இந்தப் படத்தைத் தொடர்ந்து, தற்போது லோகேஷ் கனகராஜ் இயக்கத்தில் உருவாகியுள்ள மாஸ்டர் படத்தில் நடித்துள்ளார்.
அதுவும், விஜய்க்கு ஜோடியாக நடித்துள்ளார். விரைவில், இந்தப் படம் திரைக்கு வர இருக்கிறது. தற்போது ஹீரோ என்ற தெலுங்கு படத்தில் நடித்து வருகிறார்.
பேட்ட மற்றும் மாஸ்டர் ஆகிய படங்களில் மாளவிகா மோகனன் நடித்ததைத் தொடர்ந்து அவருக்கு சினிமா வாய்ப்பு குவிந்து வருகிறது. பாலிவுட்டில் ஒரு படத்தில் நடிப்பதற்கு அவர் ஒப்பந்தம் செய்யப்பட்டுள்ளார்.
இந்தப் படத்தை இயக்குநர் ரவி உத்யவார் இயக்குகிறார். இவர், இதற்கு முன்னதாக மறைந்த நடிகை ஸ்ரீதேவியின் மாம் படத்தை இயக்கியவர் என்பது குறிப்பிடத்தக்கது.
இந்தப் படத்தில் மாளவிகா மோகனன் ஆக்ஷன் காட்சிகளில் நடிக்க இருப்பதாகவும், அதற்காக தற்போது சண்டை பயிற்சிகள் கற்று வருவதாகவும் கூறப்படுகிறது. இப்படத்தின் படப்பிடிப்பு ஊரடங்கு முடிந்ததும் தொடங்க இருக்கிறது.
இந்தப் படத்திற்காக மாளவிகா மோகனனுக்கு ரூ.5 கோடி வரையில் சம்பளம் பேசியிருப்பதாக கூறப்படுகிறது. ஆனால், இது நயன் தாராவின் சம்பளத்தை விட அதிகமாம்.
சினிமாவில் கிட்டத்தட்ட 17 ஆண்டுகள் வரை பயணம் செய்த லேடி சூப்பர் ஸ்டார் நயன்தாராவே ரூ.4 கோடி வரையில் மட்டுமே சம்பளம் வாங்கும் நிலையில், மாளவிகா மோகனன் ரூ.5 கோடி வாங்குவதாக தகவல் வெளியாகி வருகிறது.
குறுகிய கால இடைவெளியில் அதிக சம்பளம் வாங்கும் நடிகைகளின் பட்டியலில் மாளவிகா மோகனன் முதலிடம் பிடித்துவிட்டார் என்றும் தகவல் வெளியாகி வருகிறது.
