Movie Review Sigai – சிகை திரைவிமர்சனம்
விஸ்வாசம், பேட்ட இந்த இரண்டு படங்கள் தான் பொங்கலுக்கு ரிலீஸ் என இருந்த நிலையில் சத்தமில்லாமல் யுத்தமில்லாமல் பொங்கலுக்கு வெளியாகியுள்ள படம் சிகை.
இப்படம் திரையரங்கில் வெளியாகவில்லை. படத்தை ZEE5 ஆப்பில் வெளியிட வேண்டும் என முன்கூட்டியே திட்டமிடப்பட்டே எடுக்கப்பட்டுள்ளது.
நபருக்கு 120 செலுத்தி குடும்பத்துடன் படம் பார்க்க பலர் தயாராக இல்லை. இந்த நேரத்தில், சிகை படம் நேரடியாக ஆன்லைனில் வெளியாகியுள்ளது வரவேற்கத்தக்கது.
படம் எப்படி?
படம் வித்தியாசமான படங்களை பார்பவர்களுக்குப் பிடித்தமாக இருக்கும். திருநங்கைகள், பாலியல் தொழிலாளிகளை மையமாக வைத்து எடுக்கப்பட்டுள்ள படம்.
பாலியல் தொழிலாளியாக ரித்விகா நடித்துள்ளார். இதுபோன்ற கதாபாத்திரத்தில் தைரியமாக நடித்ததற்கே ஒரு ஸ்பெஷல் பாராட்டுகள்.
படத்தின் இரண்டாம் பாதியில்தான் கதிர் வருகின்றார். ராஜ் பாரத் படம் முழுவதும் நடித்துள்ளார்.
படத்தின் இறுதியில் இது கதிருக்கான கதை எனக் காட்டினாலும், படத்தை முழுமையாக நகர்த்தியுள்ளவர் ராஜ் பார்த்.
மீரா நாயர் பாலியலை விரும்பிச் செய்யும் கதாப்பாத்திரத்தில் நடித்துள்ளார். என்னதான் பாலியல் பற்றிய படமாக இருந்தாலும் ஒரே ஒரு காட்சியைத் தவிர கிளாமர் இல்லை.
படத்தின் கதை பெரிதாக சொல்லும் அளவிற்கு மிகவும் அழமாக எடுக்கப்படவில்லை. ஆனால் படம் எங்கும் தொய்வில்லாமல் சுவாரஸ்யமாக செல்கின்றது.
பிர்லா போசை பழிவாங்கும் காட்சி உண்மைகளின் வலி. ஒரு பெண் நினைத்தால் ஒரு ஆணை எப்படி வேண்டுமானாலும் பழிவாங்கலாம் என்பதற்கு அந்த ஒரு காட்சியே போதும்.
படத்தின் மைனஸ் மற்றும் ப்ளஸ்
படம் ஒன்றரை மணி நேரமே. 49 ரூபாய் கட்டணம் செலுத்தி ஆன்லைனின் பார்ப்பது கூடுதல் சிறப்பு.
படத்தின் மைனஸ் ஒன்றரை மணி நேரமே. படம் ஆன்லைனில் வெளியாவதால் 1GB-யில் படத்தைப் பார்க்க வேண்டும் என நேரத்தை குறைத்துள்ளனர்.
இதனால், பாதிக்காட்சிகளை இறுதியில் ஒரு பாடலில் அடக்கிவிட்டனர். படத்தில் திருநங்கையாக நடித்த கதிர் அந்த அளவிற்கு சிறப்பாக நமக்கு தோன்றவில்லை.
ஏற்கனவே, திருநங்கையாக பலர் நடித்துள்ளதால், இவருடைய நடிப்பு நம்மை வியக்கவைக்கவில்லை.
A பட இமேஜ் படத்திற்கு கிடைத்துவிடக்கூடாது என பாலியலைப் பற்றி விரிவான காட்சிகள் வைக்கவில்லை. இன்னும் கொஞ்சம் ஆழமான காட்சிகள் வைத்திருக்கலாம்.
குறிப்பாக கதிரின் சிறுவயது முதலே உள்ள கதாப்பாத்திரத்தை நீட்டி இருக்கலாம்.
