Trisha Karthik Dial Seytha Yenn Teaser; Where Is Karthik? விண்ணைத்தாண்டி வருவாயா 2 டீசர்! சிம்பு நடிப்பில் வந்த விண்ணைத்தாண்டி வருவாயா படத்தின் 2 ஆம் பாகத்தின் டீசர் சத்தமே இல்லாமல் வெளியாகியுள்ளது.
விண்ணைத்தாண்டி வருவாயா 2 படத்தின் டீசர் சஸ்பென்ஸாக வெளிவந்துள்ளது.
இயக்குநர் கௌதம் மேனன் இயக்கத்தில் சிம்பு, த்ரிஷா, விடிவி கணேஷ் ஆகியோர் பலரது நடிப்பில் கடந்த 2010 ஆம் ஆண்டு திரைக்கு வந்த படம் விண்ணைத்தாண்டி வருவாயா.
இந்தப் படத்தில் சமந்தா, நாக சைதன்யா ஆகியோர் சிறப்புத் தோற்றத்தில் நடித்திருந்தனர்.
ரசிகர்களிடையே நல்ல வரவேற்பு பெற்ற இப்படத்தின் 2 ஆம் பாகம் உருவாக இருப்பதாக கூறப்பட்டது. அந்த வகையில், விண்ணைத்தாண்டி வருவாயா 2 படத்தின் டீசர் சத்தமே இல்லாமல் வெளிவந்துள்ளது. ஆம், த்ரிஷா பேசுவது போன்று வீடியோ வெளியாகியுள்ளது.
எழுது, உன்னுடைய எழுத்தில் அவ்வளவு அழகு இருக்கிறது. நீ ஒரு கலைஞன். எல்லாமே சரியாகிவிடும். திரையரங்குகள் திறக்கப்படும். இப்போது நெட்பிளிக்ஸ், அமேசான் என்று எல்லாமே இருக்கிறது.
அவர்கள் எல்லாமே உன்னை தேடி வருவார்கள் என்று பேசுவதோடு அந்த வீடியோ முடிகிறது. தொடர்ந்து, விரைவில் என்றும் குறும்படம் என்றும் கௌதம் மேனன் என்றும் அந்த வீடியோவில் குறிப்பிடப்பட்டுள்ளது.
நயன் தாராவைப் போன்று ஹீரோயினுக்கு முக்கியத்துவம் வாய்ந்த கதைகளை தேர்வு செய்து த்ரிஷா நடித்து வருகிறார்.
அந்த வகையில், தற்போது கெளதம் மேனன் இயக்கத்தில் உருவாகியுள்ள கார்த்திக் டயல் செய்த எண் என்ற குறும்படத்தின் டீசர் வெளியாகியுள்ளது.
த்ரிஷா நடித்துள்ள இந்த குறும்படம் சிம்புவின், விண்ணைத்தாண்டி வருவாயா படத்தின் இரண்டாம் பாகம் போல் உணர முடிகிறது. காரணம் கார்த்திக் கதாபாத்திரத்துடன் ஜெஸி பேசுகிறார்.
மேலும், விண்ணைத்தாண்டி வருவாயா படத்தின் இசையுடன் இந்த குறும்பட டீசரும் முடிவடைகிறது.
இந்த குறும்படம் குறித்து இயக்குநர் கௌதம் மேனன் கூறுகையில், விண்ணைத்தாண்டி வருவாயா 2 படத்தின் ஒரு பகுதி தான் இந்த குறும்படம். இதில், நடிகர் சிம்பு தான் ஹீரோவா? இல்லை வேறொருவரா?
படத்தின் இசையமைப்பாளர் யார்? உள்ளிட்ட பல கேள்விகளுக்கு சஸ்பென்ஸ் மட்டுமே பதில். இன்னும் ஓரிரு நாட்களில் இந்த கார்த்திக் டயல் செய்த எண் என்ற குறும்படம் வெளியாக இருக்கிறது.
அப்போது உங்களது கேள்விகள் அனைத்திற்கும் பதில் கிடைக்கும் என்று கூறியுள்ளார் என்பது குறிப்பிடத்தக்கது.
