Thalapathy Vijay Nanban Movie; விஜய்யை பளார் என்று அடித்தேன்: நடிகை அனுயா! தளபதி விஜய்யை பளார் என்று அடித்ததாக நடிகை அனுயா பாக்வத் தெரிவித்துள்ளார்.
நண்பன் படத்தில் விஜய்யை பளார் என்று அடித்ததாக அனுயா கூறியுள்ளார்.
ஜீவா நடித்த சிவா மனசுல சக்தி என்ற படத்தின் மூலம் தமிழ் சினிமாவில் அறிமுகமானவர் நடிகை அனுயா பாக்வத். இப்படத்தைத் தொடர்ந்து மதுரை சம்பவம், நகரம், நஞ்சுபுரம், நண்பன், நான் ஆகிய படங்களில் நடித்துள்ளார்.
எனினும், இயக்குநர் ஷங்கர் இயக்கத்தில் தளபதி விஜய் நடிப்பில் வந்த நண்பன் படத்தின் மூலம் அதிகளவில் பிரபலமானார். இந்தப் படத்தில் விஜய் உடன் இணைந்து ஜீவா, ஸ்ரீகாந்த், இலியானா, சத்யராஜ் ஆகியோர் பலர் நடித்திருந்தனர்.
நண்பன் படத்தில் இலியானாவிற்கு அக்கா கதாபாத்திரத்தில் சத்யராஜுக்கு மகளாக நடித்திருந்தார். மேலும், படத்தில், சுவேதா சந்தானமாக வரும் அனுயாவிற்கு பிரசவ நேரம். சரியான மழை, ஊரெங்கும் வெள்ளம். எந்த காரும், ஆம்புலன்ஸும் கிடைக்கவில்லை.
ஒரு கட்டத்தில், விஜய் தான் அனுயாவிற்கு பிரசவம் பார்க்க வேண்டிய நிலை வந்தது. அப்போது, விஜய்யை அடிப்பது போன்று காட்சி இருந்தது. அதை பற்றி அண்மையில் அனுயா குறிப்பிட்டிருந்தார்.
அந்த காட்சியின் படப்பிடிப்பின் போது நான் வளர்ந்து வரும் நடிகை. அப்படியிருக்கும் எப்படி தளபதி விஜய்யை அடிப்பது என்று யோசித்தேன். அதன் பிறகு இயக்குநர் ஷங்கர், தளபதி விஜய் என்று நினைக்க வேண்டாம்.
படத்தின் கதைப்படி பஞ்சவன் பாரி வேந்தன் என்று நினைத்துக் கொண்டு அடிங்க என்றார். அவர் கூறியதைக் கேட்டுக் கொண்டு விஜய்யை பளார் என அடித்தேன் என்று கூறியுள்ளார் என்பது குறிப்பிடத்தக்கது.
