ஆரம்பம்-2 ஆரம்பிச்சாச்சு…. அஜித் ரசிகர்களுக்கு இன்னொரு ட்ரீட் ரெடி செய்யும் பணிகளை துவங்கியுள்ளார் இயக்குநர் விஷ்ணுவர்தன்.
‘தல அஜித்’ இந்த பெயர் பல ரசிகர்களின் நாடித்துடிப்பு என்றே சொல்லலாம். அஜித் நடித்த படங்களில் பில்லா, ஆரம்பம் போன்ற படங்களுக்கு தனிப்பட்ட ரசிகர்கள் கூட்டம் இருக்கிறது.
அதற்கு காரணம் அந்த படங்களில் ஸ்டைலான மேக்கிங் தான். அஜித்தை ஸ்டைலிஷ் அக்டராக மாற்றிய பெருமை இயக்குனர் விஷ்ணுவர்தனையே சேரும் என்று கூட சொல்லலாம்.
ஆரம்பம் திரைப்படத்திற்கு பின்னர் இந்த வெற்றிக்கூட்டணி காணப்படவில்லை என ரசிகர்கள் வருத்தத்தில் இருந்துவந்தனர். தற்போது ரசிகர்களின் அந்த வருத்தம் சந்தோஷமாக மாறியுள்ளது.
தற்போது தல அஜித்-விஷ்ணுவர்தன் கூட்டணியில் ஆரம்பம் படத்தின் இரண்டாம் பாகம் உருவாகவுள்ளது. இந்த படத்திற்கும் இசை யுவன் சங்கர் ராஜா தான்.
இயக்குனர் விஷ்ணுவர்தன் தற்போது பாலிவுட் சினிமாவில் பிசியாக இருப்பதால் அந்த படத்தை முடித்தவுடன் ஆரம்பம்-2 திரைப்படத்திற்கான வேலைகளை தொடங்க உள்ளார் என தகவல் வெளியாகியுள்ளது.
தற்போது நடித்துவரும் வலிமை படத்திற்கு பிறகு அஜித் விஷ்ணுவர்தன் படத்தில் தான் நடிப்பார் என்கிறது அவரது வட்டாரம்.
நீண்ட நாளாக ரசிகர்கள் ஆவலுடன் எதிர்பார்த்த கூட்டணி தற்போது இணைவதால் இந்த செய்தி இணையதளங்களில் காட்டு தீ போல் பரவி வருகின்றன.
இதற்கான அதிகாரப்பூர்வ அறிவிப்பு விரைவில் வெளிவரும் என எதிர்பார்க்கப்படுகிறது. அஜித்திற்கு இந்த கதை மிகவும் பிடித்துப்போனதாக தெரிவித்துள்ளதால் வலிமை படத்திற்குப்பின்னர் அவர் ஆரம்பம்-2 படத்தில்தான் நடிப்பார் என நம்பப்படுகிறது.
