Cobra Teaser; விரைவில் கோப்ரா டீசர் வரும்: இயக்குநர் அஜய் ஞானமுத்து! சியான் விக்ரம் நடிப்பில் உருவாகி வரும் கோப்ரா படத்தின் படப்பிடிப்பு 75 சதவிகிதம் முடிந்த நிலையில், விரைவில் கோப்ரா படத்தின் டீசர் வெளிவரும் என்று இயக்குநர் அஜய் ஞானமுத்து தெரிவித்துள்ளார்.
கோப்ரா டீசர் விரைவில் வெளிவரும் என்று இயக்குநர் அஜய் ஞானமுத்து தெரிவித்துள்ளார்.
கடாரம் கொண்டான் படத்தைத் தொடர்ந்து சியான் விக்ரம் கோப்ரா படத்தில் நடித்து வருகிறார். இந்தப் படத்தை இமைக்கா நொடிகள் புகழ் அஜய் ஞானமுத்து இயக்கி வருகிறார்.
7 ஸ்கிரீன் ஸ்டூடியோ நிறுவனம் தயாரிக்கும் இந்தப் படத்திற்கு ஏ.ஆர்.ரஹ்மான் இசையமைத்து வருகிறார். கோப்ரா படத்தில் விக்ரமுக்கு ஜோடியாக கேஜிஎஃப் புகழ் ஸ்ரீநிதி ஷெட்டி நடித்து வருகிறார்.
மேலும், கிரிக்கெட் வீரர் இர்பான் பதானும் நடித்து வருகிறார். தமிழ், தெலுங்கு மற்றும் ஹிந்தி ஆகிய 3 மொழிகளில் இந்தப் படம் உருவாகி வருகிறது.
இந்த நிலையில், இந்தப் படத்தின் 90 நாட்கள் படப்பிடிப்பு கிட்டத்தட்ட 75 சதவிகிதம் நடந்து முடிந்துள்ளது. இன்னும், 25 சதவிகிதம் மட்டுமே படப்பிடிப்பு நடத்தப்பட இருக்கிறது. அதுவும், கொரோனா லாக்டவுன் முடிந்த பிறகு எடுத்து முடிக்கப்படும்.
இதையடுத்து, கோப்ரா டீசர் விரைவில் வெளிவரும் என்று இயக்குநர் அஜய் ஞானமுத்து தெரிவித்துள்ளார் என்பது குறிப்பிடத்தக்கது.
