Vadivelu Chief Minister; நான் தான் சிஎம் என்று காமெடி நடிகர் வடிவேலு நக்கலாக பேசிய வீடியோ ஒன்று சமூக வலைதளங்களில் வைரலாகி வருகிறது.
திருச்செந்தூர் முருகன் கோயிலுக்கு சென்றிருந்த நடிகர் வடிவேலுவிடம் ரஜினியின் அரசியல் கருத்து கேள்வி எழுப்பியதற்கு நான் எங்கிருந்தாலும் ஓட்டு போடுவீங்கள, அப்போ நான் தான் சிஎம் என்று நகைச்சுவையுடன் பேசிவிட்டு சென்றுள்ளார்.
சினிமா பிரபலங்கள் அரசியலுக்கு வருவது என்பது காலம் காலமாக நடந்து வரும் ஒரு நிகழ்வு. எம்ஜிஆர், கருணாநிதி, மு.க. ஸ்டாலின், ஜெயலலிதா என்று பலரும் சினிமாவில் இருந்து வந்துள்ளனர்.
அந்த வரிசையில், கமல் ஹாசனும் கட்சி தொடங்கி தேர்தலிலும் போட்டியிட்டுள்ளார். கமல் ஹாசனுக்கு முன்னதாக அரசியலுக்கு வருவதாக அறிவித்த ரஜினிகாந்த் இன்னும் அரசியலுக்கு வந்தபாடில்லை.
சும்மா பேச்சு மட்டும்தான் வந்து கொண்டே இருக்கிறது. ஏதோ அவரது படம் நன்றாக ஓட வேண்டும் என்பதற்காக இப்படியெல்லாம் பேசிவிட்டு செல்கிறார் என்று விவரம் அறிந்த பலரும் கருத்து தெரிவித்து வருகின்றனர்.
இந்த நிலையில், நேற்று தனது அரசியல் பயணம் குறித்து ரஜினிகாந்த் (Rajinikanth Press Meet) ஏதேனும் அறிவிப்பார் என்ற ஆவலுடன் பத்திரிக்கையாளர்கள் லீலா பேலஸ் ஹோட்டலுக்கு சென்றிருந்தனர்.
அங்கு ரஜினிகாந்த் தான் (Rajini Political Entry) கட்சிக்கு மட்டுமே தலைவர் என்றும், முதல்வர் பதவி மீது தனக்கு ஆசை இல்லை என்றும் கூறியுள்ளார்.
அதோடு, தனது முக்கியமான 3 திட்டங்கள் குறித்தும் தெரிவித்துள்ளார். (Rajini 3 Plan)
திட்டம் 1: தேவையான அளவில் மட்டுமே கட்சி நிர்வாகிகளை வைத்துக் கொள்ள வேண்டும்.
திட்டம் 2: இளைஞர்களுக்கு அதிகளவில் வாய்ப்புகள் வங்கப்பட வேண்டும். 60 முதல் 65 சதவிகிதம் வரை இளைஞர்களுக்கும், 30 – 35 சதவிகிதம் ஓய்வு பெற்ற ஐஏஎஸ், ஐபிஎஸ், நீதிபதி ஆகியோருக்கு வழங்கப்படும்.
திட்டம் 3: கட்சிக்கு ஒரு தலைவர், ஆட்சிக்கு ஒரு தலைவர். தான் கட்சி தலைவராகவே இருக்க விரும்புவதாகவும், முதல்வர் பதவி மீது ஆசை இல்லை என்றும் அவர் சுட்டிக்காட்டி பேசியுள்ளார்.
இதற்கு பலரும் எதிர்ப்பும், ஆதரவும் தெரிவித்தனர். எனினும் கோலிவுட் சினிமாவில் பிரபலங்கள் தற்போது ரஜினிகாந்தை பலரும் காமெடியனாக பார்த்து வருகின்றனர்.
ஆம், ரோபோ சங்கர் நடிக்கும் புதிய படம் அரசியல்ல இதெல்லாம் சாதாரணமப்பா. இந்தப் படத்தின் போஸ்டர் வெளியானது.
இந்த போஸ்டரில், வருவது உறுதி, வந்துட்டே இருக்கேன், வந்துட்டேன் ஆனா நான் இல்லை என்று ரஜினியை கிண்டலடிக்கும் விதமாக வசனங்கள் இடம்பெற்றிருந்தது.
ரோபோ சங்கரைத் தொடர்ந்து, தற்போது வடிவேலுவும் தனக்கே உரிய பாணியில் கிண்டலும் கேளியும் செய்துள்ளார்.
முதல்வர் வடிவேலு:
திருச்செந்தூர் முருகன் கோயிலுக்கு சாமி தரிசனம் செய்ய சென்றிருந்த வடிவேலுவிடம் பத்திரிக்கையாளர்கள் ரஜினியின் அரசியல் பற்றி கேள்வி எழுப்பியுள்ளனர்.
இதற்கு வடிவேலு கூறுகையில், ரஜினி அரசியலுக்கு வருகிறாரா? இல்லையா என்பது உங்களுக்கும், தெரியாது, எனக்கும் தெரியாது. இவ்வளவு ஏன், அவருக்கே தெரியாது. அவர் வரும் போது பார்த்துக்கொள்வோமே,
2001ல் நான் சிஎம் ஆகலாம்னு பிளான்… 2021 ல் நான் சிஎம் ஆகலாம் என்று பிளான் பண்ணியிருக்கிறேன். அதை நிறைய பேர் கெடுக்கிறார்கள். அநேகமாக நான் சிஎம் ஆகலாம் என்று திட்டம் போட்டிருக்கிறேன்.
நான் எங்க நின்னாலும் ஓட்டு போடுவீங்கள? அப்போ நான் தான் சிஎம்மு என்று கம்பீரத்தோடு நக்கலாக பேசிவிட்டு அங்கிருந்து சென்றுள்ளார்.
தற்போது நான் தான் சிஎம் என்ற வீடியோ சமூக வலைதளங்களில் வைரலாகி வருகிறது. வடிவேலுவைப் போன்று இன்னும் பலரும் இதே போன்று நான் தான் சிஎம் என்று சொல்லிக்கொண்டிருப்பதாக தகவல் வருகிறது.
பிக் பாஸ் ஜூலி கூடதான் அரசியலுக்கு வருவதாக தெரிவித்திருந்தார் என்பது குறிப்பிடத்தக்கது.
