Jr NTR RRR Movie; ஜூனியர் என் டி ஆர் பிறந்தநாள்: ரசிகர்களை ஏமாற்றிய ஆர்ஆர்ஆர் படக்குழு! ஜூனியர் என்டிஆர் இன்று தனது 37 ஆவது பிறந்தநாளை கொண்டாடும் நிலையில், ஆர் ஆர் ஆர் படம் குறித்து முக்கியமான அறிவிப்பு வரும் என்று எதிர்பார்த்த நிலையில், அப்படி ஒன்றும் வராது என்று படக்குழு தெரிவித்துள்ளது.
ஆர் ஆர் ஆர் படம் குறித்து அறிவிப்பு ஏதும் வெளிவராது என்று படக்குழு தெரிவித்துள்ளது.
பாகுபலி படத்தைத் தொடர்ந்து இயக்குநர் எஸ்.எஸ்.ராஜமௌலி இயக்கத்தில் உருவாகி வரும் படம் ரௌத்திரம் ரணம் ருத்திரம் (ஆர்ஆர்ஆர்). இந்தப் படத்தில் ராம் சரண், அலியா பட், ஜூனியர் என்டிஆர், அஜய் தேவ்கன் ஆகியோர் பலர் நடித்து வருகின்றனர்.
கிட்டத்தட்ட ரூ.400 கோடி பட்ஜெட்டில் ஆர்ஆர்ஆர் படம் உருவாகி வருகிறது. பாகுபலி படத்தைப் போன்று இந்தப் படமும் தமிழ், தெலுங்கு, கன்னடம், மலையாளம் மற்றும் ஹிந்தி ஆகிய மொழிகளில் வெளியாக இருக்கிறது. அண்மையில், ராம் சரண் தனது 36 ஆவது பிறந்தநாளை கொண்டாடினர்.
அவரது பிறந்தநாளை முன்னிட்டு ஆர் ஆர் ஆர் படத்தில் ராம் சரணின் கதாபாத்திரம் எப்படி இருக்கும் என்பதை காட்டும் வகையில், ஒரு நிமிட டீசர் போன்ற வீடியோவை படக்குழுவினர் வெளியிட்டனர். அந்த வீடியோவிற்கு ஜூனியர் என் டி ஆர் தான் வாய்ஸ் கொடுத்துள்ளார்.
அப்படியிருக்கும் போது இன்று ஜூனியர் என் டி ஆர் பிறந்தநாள். இதனை சிறப்பிக்கும் வகையில், அவரது கதாபாத்திரம் அடங்கிய புகைப்படமோ அல்லது டீசரோ வெளியாகும் என்று ரசிகர்கள் ஆவலுடன் எதிர்பார்த்து காத்திருந்தனர்.
ஆனால், லாக்டவுன் காரணமாக, ஜூனியர் என் டி ஆருக்கு டீசர் வெளியிட முடியாது என்று அறிவித்துள்ளது.
இதனை உறுதி செய்யும் வகையில், ஆர் ஆர் ஆர் டுவிட்டர் பக்கத்தில் லாக்டவுன் நீட்டிக்கப்பட்டுள்ளதால், அனைத்து வேலைகளும் முடக்கப்பட்டுள்ளது.
எனினும், ஜூனியர் என் டி ஆர் பிறந்தநாளுக்கு க்ளிம்ஸ் ரெடி பண்ண நினைத்தோம். ஆனால், அதனை முடிக்கமுடியவில்லை.
இதன் காரணமாக ஜூனியர் என் டி ஆர் பிறந்தநாளுக்கு எந்த லுக்கும், வீடியோவும் வெளியாகாது என்பதை தெரிவித்துக் கொள்கிறோம் என்று குறிப்பிடப்பட்டுள்ளது என்பது குறிப்பிடத்தக்கது.
இதன் காரணமாக ஜூனியர் என் டி ஆர் ரசிகர்கள் ஏமாற்றமடைந்துள்ளனர்.
