நாயகன் புகழ் சரண்யா பொன்வண்ணன் பர்த்டே டுடே! கமல் ஹாசன் நடிப்பில் வந்த நாயகன் படத்தின் மூலம் தமிழ் சினிமாவில் அறிமுகமான நடிகை சரண்யா பொன்வண்ணன் இன்று தனது 50ஆவது பிறந்தநாளை கொண்டாடுகிறார்.
நடிகை சரண்யா பொன்வண்ணன் இன்று தனது 50 ஆவது பிறந்தநாளை கொண்டாடுகிறார்.
கேரளாவைச் சேர்ந்தவர் நடிகை சரண்யா பொன்வண்ணன். கடந்த 1970 ஆம் ஆண்டு ஏப்ரல் 26 ஆம் தேதி ஆலப்புழாவில் பிறந்துள்ளார். இவரது இயற்பெயர் ஷீலா கிறிஸ்டினா ராஜ்.
கமல் ஹாசன் நடிப்பில் வந்த நாயகன் படத்தின் மூலம் தமிழ் சினிமாவில் ஹீரோயினாக அறிமுகமானவர் நடிகை சரண்யா பொன்வண்ணன்.
இயக்குநர் மணிரத்னம் தான் இவரை அறிமுகம் செய்து வைத்துள்ளார். தமிழ், தெலுங்கு, மலையாளம் ஆகிய மொழிகளில் ஏராளமான படங்களில் நடித்துள்ளார்.
ஹீரோயின், காமெடி ரோல், குணச்சித்திர வேடங்களில் என்று எந்த ரோல் கொடுத்தாலும் கச்சிதமாக நடித்து கொடுக்ககூடியவர்.
கடந்த 1995 ஆம் ஆண்டு நடிகர் பொன்வண்ணனை திருமணம் செய்து கொண்டு சினிமாவில் இருந்து ஒதுங்கி இருந்தார். அதன் பிறகு 8 வருடங்கள் கழித்து மீண்டும் 2003 ஆம் ஆண்டு சினிமாவில் நடிக்க வந்தார்.
ராம், தவமாய் தவமிருந்து, எம் மகன் ஆகிய படங்கள் முக்கியமான படங்களாக கருதப்படுகிறது.
நடிப்பைத் தொடர்ந்து, மாடல், பேஷன் டிசைனர், பின்னணி பாடகர் என்று பல திறமைகளை கொண்டுள்ளார்.
தேசிய விருது, தமிழ்நாடு மாநில திரைப்பட விருது, பிலிம்பேர் விருது, சர்வதேச தென்னிந்திய திரைப்பட விருது, ஆனந்த விகடன், விஜய் விருது, எடிசன் விருது, நார்வே தமிழ் திரைப்பட விருது என்று பல விருதுகளை பெற்றுள்ளார்.
இந்த நிலையில், இன்று தனது 50 ஆவது பிறந்தநாளை கொண்டாடுகிறார். அவருக்கு சினிமா பிரபலங்க, நண்பர்கள், ரசிகர்கள் என்று பலரும் வாழ்த்து தெரிவித்து வருகின்றனர்.
