Aishwarya Dutta Milir First Look; மிரட்டும் ஐஸ்வர்யா தத்தா: மிளிர் ஃபர்ஸ்ட் லுக் போஸ்டர் வெளியீடு! பிக்பாஸ் நிகழ்ச்சியின் மூலம் பிரபலமான நடிகை ஐஸ்வர்யா தத்தாவின் மிளிர் படத்தின் ஃபர்ஸ்ட் லுக் போஸ்டர் வெளியாகியுள்ளது.
மிளிர் ஃபர்ஸ்ட் லுக் போஸ்டர் வெளியிடப்பட்டுள்ளது.
கமல் ஹாசன் தொகுத்து வழங்கிய பிக்பாஸ் 2 நிகழ்ச்சியின் மூலம் உலகம் முழுவதும் பிரபலமானவர் நடிகை ஐஸ்வர்யா தத்தா. தமிழுக்கு என் ஒன்றை அழுத்தவும் என்ற படத்தின் மூலம் தமிழ் சினிமாவில் அறிமுகமானார்.
இப்படத்தைத் தொடர்ந்து, பாயும் புலி, அச்சாரம், ஆறாது சினம், சத்ரியன், மறைந்திருந்து பார்க்கும் மர்மம் என்ன ஆகிய படங்களில் நடித்துள்ளார். பிக் பாஸ் நிகழ்ச்சிக்குப் பிறகு ஐஸ்வர்யா தத்தாவிற்கு சினிமா வாய்ப்பு குவிந்து வருகிறது.
அந்த வகையில், தற்போது கெட்டவனு பேர் எடுத்த நல்லவன்டா, அலேகா, கன்னி தீவு, பொல்லாத உலகில் பயங்கர கேம் மற்றும் மிளிர் ஆகிய படங்களில் நடித்து வருகிறார்.
இந்த நிலையில், மிளிர் படத்தின் ஃபர்ஸ்ட் லுக் போஸ்டர் வெளியாகியுள்ளது. ஒரு கட்டையை பல்லால் கடிப்பது போன்று, தலையில், துணியால் கட்டு போட்டிருப்பது போன்றும் அந்த போஸ்டரில் காட்டப்பட்டுள்ளது.
மிளிர் படத்தை இயக்குநர் நாகேந்திரன் இயக்கி வருகிறார். சூர்யா தேவி இந்தப் படத்தை தயாரிக்கிறார். தினேஷ் ஆண்டனி படத்திற்கு இசையமைக்கிறார்.
விரைவில் இந்தப் படம் திரைக்கு வரும் என்று கூறப்படுகிறது.
