ஆல்யா சஞ்சீவ் ஜோடி – குட்டி ஆல்யா புகைப்படம்: பிறந்து 9 நாட்களுக்குள் குழந்தையின் புகைப்படத்த பதிவிட்ட ஆல்யா – சஞ்சீவ் ஜோடி!
ஆல்யா மானசா மற்றும் சஞ்சீவ் கார்த்திக் தம்பதியினர் தங்களது பெண் குழந்தையின் புகைப்படத்தை முதன் முதலாக இன்ஸ்டாகிராமில் பதிவிட்டுள்ளனர்.
பிறந்து 9 நாட்கள் ஆன நிலையில், தங்களது குழந்தையின் புகைப்படத்தை ஆல்யா மற்றும் சஞ்சீவ் ஜோடி இன்ஸ்டாகிராமில் பதிவிட்டுள்ளனர்.
ராஜா ராணி சீரியல் மூலம் பிரபலமானவர்கள் ஆல்யா மானசா (Alya Manasa) மற்றும் சஞ்சீவ் கார்த்திக்(Sanjeev Karthick).
இந்த சீரியலில் சின்னையா என்ற ரோலில் சஞ்சீவும், செம்பா என்ற கதாபாத்திரத்தில் ஆல்யாவும் நடித்து சின்னத்திரை ரசிகர்களை தங்களது கதாபாத்திரங்கள் மூலம் கவர்ந்துள்ளனர்.
வெள்ளித்திரையை விட மக்களோடு மக்களாக ஒன்றிய சின்னத்திரைக்கு அதிகளவில் ரசிகர்கள் உண்டு. அதுவும் குடும்ப பெண்களுக்கு சொல்லவே வேணாம்.
இதில், சின்னத்திரையில் இருந்து வெள்ளித்திரைக்கு வரும் நடிகர், நடிகைகளுக்கு வரவேற்பு தாறுமாறாக இருக்கும்.
அந்த வகையில் கடந்த சில ஆண்டுகளாக சின்னத்திரையில் ஜொலித்தவர்கள் ஆல்யா மானசா மற்றும் சஞ்சீவ் கார்த்திக். சீரியல்களில் ஒன்றாக நடித்து இருவரும் காதலிக்க ஆரம்பித்துள்ளனர். அதன் பிறகு திருமணம் செய்து கொண்டனர்.
சீரியல் ஆனாலும் சரி, டான்ஸ் புரோகிராமாக இருந்தாலும் சரி இருவருக்கும் அப்படியொரு கெமிஸ்டரி.
காதலித்து திருமணம் செய்து கொண்ட இந்த ஜோடிக்கு அழகான குட்டி தேவதை பிறந்துள்ளதாக சஞ்சீவ் இன்ஸ்டாகிராம் பக்கத்தில் கடந்த 20 ஆம் தேதி பதிவிட்டிருந்தார்.
ஆம், ஆலியா மானசா மற்றும் சஞ்சீவ் ஜோடிக்கு பெண் குழந்தை பிறந்துள்ளது. ஆல்யா மானசா குழந்தை பிறப்பதற்கு முன்னதாகவே குழந்தைக்கு தேவையான ஆடைகள், பெட்சீட் என்று எல்லாவற்றையும் வாங்கி குவித்துள்ளார்.
அதற்கான புகைப்படங்களையும் இன்ஸ்டாகிராமில் பதிவிட்டுள்ளார். இந்த நிலையில், பிறந்து 9 நாட்களே ஆன நிலையில், தங்களது குழந்தையின் மகளின் புகைப்படத்தை முதன் முதலாக இன்ஸ்டாகிராம் பக்கத்தில் பதிவிட்டு, உலகிற்கு காண்பித்துள்ளார்.
