Amala Paul Marriage; அச்சச்சோ இதெல்லாம் வதந்தி: அமலா பால் சொல்லல! இரண்டாவது திருமணம் நடந்ததாக வெளியான தகவல் வெறும் வதந்தி நடிகை அமலா பாலின் மேனேஜர் தெரிவித்துள்ளார்.
நடிகை அமலா பாலிற்கு திருமணம் (Amala Paul Second Marriage) நடந்ததாக வெளியாகி வரும் தகவல் வெறும் வதந்தியே என்று அவரது மேனேஜர் தரப்பில் இருந்து விளக்கம் அளிக்கப்பட்டுள்ளது.
ஏ.எல்.விஜய்யை விவாகரத்து செய்த பிறகு நடிகை அமலா பால் குறித்து தொடர்ந்து தகவல் வெளியாகி வருவதும், அதற்கு விளக்கம் கொடுப்பதுமாகவே இருக்கிறது.
ராட்சசன் படத்தின் மூலம் அமலா பால், விஷ்ணு விஷால் இருவரும் பழகி வந்ததாகவும், இருவரும் காதலிப்பதாகவும் தகவல் வந்தது. ஆனால், இதற்கு இருவரும் அப்படி ஏதும் இல்லை என்று விளக்கம் கொடுத்தனர்.
தொடர்ந்து கேரளத்து நண்பரான அஜித் மேனன் என்பவருடன் நெருக்கமாக இருக்கும் புகைப்படமும், அவருக்கு அமலா பால் முத்தம் கொடுப்பது போன்ற புகைப்படமும் ஊடகங்களில் வைரலானது.
இதையடுத்து, கடந்தாண்டு ஜூலை 24 ஆம் தேதி, தான் ஒருவரை காதலிப்பதாகவும், அவரது அன்புதான் தன்னை மாற்றியதாகவும், விரைவில் அவரை திருமணம் செய்து கொள்ள இருப்பதாகவும் கூறியிருந்தார்.
மேலும், ஒரு குழந்தை பெற்றுக்கொண்டு, இன்னொரு குழந்தையை தத்தெடுக்கவும் ஆசைப்படுவதாகவும் கூறியிருந்தார்.
பெட்ரூம் வீடியோ வரைக்கு வெளியாயிடுச்சு; இனிமே வதந்தினா யார் நம்புவா?
வாழ்க்கையின் இந்தக் கட்டத்தில்தான் எப்போதும் பாதுகாப்பாகவும், அமைதியாகவும் உணர்வதாகவும் அவர் தெரிவித்திருந்தார். ஆனால் அவர் யாரை காதலிக்கிறார் என்பது குறித்து தெரிவிக்கவில்லை.
Amala Paul Second Marriage
இந்த நிலையில், கடந்த சில தினங்களுக்கு முன்பு, பாலிவுட் பாடகரான பாவ்னிந்தர் உடன் நடிகை அமலா பால் வெளியில் சென்று வரும் புகைப்படங்கள் ஊடகங்களில் வைரலானது.
அவரைத் தான் காதலிக்கிறார் என்றும், விரைவில் திருமணம் செய்து கொள்ள இருப்பதாகவும் அப்போதே செய்தி வெளியானது.
இந்த செய்தி வெளியாகி ஒரு வாரத்திற்குள்ளாகவே பாவ்னிந்தர் மற்றும் அமலா பால் இருவரும் திருமணம் செய்து கொண்டதுபோன்று இருக்கும் புகைப்படத்தை பாவ்னிந்தர் தனது இன்ஸ்டாகிராம் பக்கத்தில் பதிவிட்டிருந்தார்.
அவர் பதிவிட்டு சிறிது நேரத்திலேயே அந்தப் பதிவை நீக்கியுள்ளார். இந்த நிலையில், இந்த திருமண புகைப்படம் சமூக வலைதளங்களில் வெளியாகி அமலா பாலிற்கு திருமணம் ஆனதாக செய்திகள் பரவி வருகிறது.
இதற்கு அமலா பால் எந்த மறுப்பும் தெரிவிக்காத நிலையில், அவரது மேனேஜர் தரப்பிலிருந்து தற்போது விளக்கம் அளிக்கப்பட்டுள்ளது.
இந்த திருமணம் பற்றி வரும் செய்தி தவறு. இது மும்பையில் நடந்த ஒரு நிகழ்ச்சியின் போது எடுக்கப்பட்ட புகைப்படம். இதை எதற்காக பகிர்ந்தார் என்று தெரியவில்லை.
திருமணம் அமலா பாலின் தனிப்பட்ட விஷயம். திருமணம் குறித்து பரவி வரும் செய்திக்கும், அவருக்கும் எந்த சம்பந்தமும் இல்லை என்று விளக்கம் அளித்துள்ளார் என்பது குறிப்பிடத்தக்கது.
Amala Paul ties the knot with singer bhavninder singh is a fake news says her manager.
