தேவயானி 46ஆவது பிறந்தநாள் ஹலோவில் டிரெண்டாகும் தேவயானி பாடல்கள்! தேவயானி இன்று தனது 46ஆவது பிறந்தநாளை சிறப்பாக கொண்டாடியுள்ளார். அவருக்கு ரசிகர்கள், சினிமா பிரபலங்கள் என்று பலரும் வாழ்த்து தெரிவித்துள்ளனர்.
நடிகர் விஜய்யைப் போன்று நடிகை தேவயானியும் இன்று தனது 46 ஆவது பிறந்தநாளை கொண்டாடியுள்ளார்.
மகாராஷ்டிரா மாநிலம் மும்பையில் பிறந்தவர் நடிகை தேவயானி. இவரது இயற்பெயர் சுஷ்மா ஜெயதேவ். இவரது தந்தை மங்களூரைச் சேர்ந்த ஜெயதேவ். தாயார், நெய்வேலியைச் சேர்ந்த லட்சுமி அம்மாள்.
தேவயானிக்கு நகுல் மற்றும் மயூர் என்று இரு சகோதரர்கள். தொட்டா சினுங்கி என்ற படத்தின் மூலம் தமிழ் சினிமாவில் அறிமுகமானார். இந்தப் படத்தைத் தொடர்ந்து, காதல் கோட்டை படத்தில் நடித்தார்.
இந்தப் படம் தேவயானிக்கு தமிழ்நாடு மாநில திரைப்பட விருது பெற்றுக் கொடுத்தது. மேலும், சிறந்த நடிகைக்கான பிலிம்பேர் விருதுக்கும் பரிந்துரைக்கப்பட்டது.
தொடர்ந்து, பூமணி, சிவசக்தி, விவசாயி மகன், காதலி, பெரிய இடத்து மாப்பிள்ளை, சூர்ய வம்சம், கிழக்கும் மேற்கும், மறுமலர்ச்சி, உதவிக்கு வரலாமா, ஸ்வர்ணமுகி, நினைத்தேன் வந்தாய், மூவேந்தர், பூந்தோட்டம், செந்தூரம், என் உயிர் நீ தானே, புதுமை பித்தன், தொடரும், கும்மி பாட்டு, நீ வருவாய் என, பாட்டாளி, நிலவே முகம் காட்டு, சுயம்வரம், வல்லரசு, அப்பு, என்னம்மா கண்ணு, பாரதி, தெனாலி, கண்ணுக்கு கண்ணாக, ப்ரண்ட்ஸ், என் புருஷன் குழந்தை மாதிரி, விவரமான ஆளு, ஆனந்தம், விண்ணுக்கும் மண்ணுக்கும், நினைக்காத நாளில்லை, படை வீட்டு அம்மன், சகாப்தம், ஐந்தாம் படை, ஒரு நாள் வரும், கிரி, பீஷ்மர், காதலுடன் என்று ஏராளமான படங்களில் நடித்துள்ளார்.
கோலங்கள், மஞ்சள் மகிமை, கொடி முல்லை, முத்தாரம், ராசாத்தி ஆகிய தொலைக்காட்சி தொடர்களிலும் நடித்துள்ளார்.
கடந்த 2001 ஆம் ஆண்டு ஏப்ரல் 9 ஆம் தேதி இயக்குநர் ராஜகுமரனை காதலித்து திருமணம் செய்து கொண்டார். தேவயானி – ராஜகுமரன் தம்பதியினருக்கு இனியா மற்றும் பிரியங்கா என்று இரு மகள்கள் இருக்கின்றானர். இந்த நிலையில், நடிகை தேவயானி இன்று தனது 46 ஆவது பிறந்தநாளை கொண்டாடுகிறார். அவருக்கு ரசிகர்கள் முதல் பிரபலங்கள் வரை பலரும் வாழத்து தெரிவித்து வருகின்றனர்.
நடிகை தேவயானியின் பிறந்தநாளான இன்று விஜய்யும் தனது 46 ஆவது பிறந்தநாளை கொண்டாடியுள்ளார். கவின் தனது 30 ஆவது பிறந்தநாளை கொண்டாடியுள்ளார் என்பது குறிப்பிடத்தக்கது.
தேவயானியின் பிறந்தநாளை முன்னிட்டு ஹலோவில் தேவயானி பாடல்கள் டிரெண்டாகி வருகிறது. இதன் மூலம், ரசிகர்கள் தங்களுக்கு பிடித்த தேவயானியின் பாடல்கள், படங்களை பகிர்ந்து வருகின்றனர் என்பது குறிப்பிடத்தக்கது.
