Jagame Thandhiram First Single; ஜகமே தந்திரம் முதல் சிங்கிள் ரகிட ரகிட ரிலீஸ் தேதி அறிவிப்பு! தனுஷ் நடிப்பில் உருவாகியுள்ள ஜகமே தந்திரம் முதல் சிங்கிள் டிராக் ரகிட ரகிட ரிலீஸ் தேதி அறிவிக்கப்பட்டுள்ளது.
ரகிட ரகிட பாடல் ரிலீஸ் தேதி அறிவிக்கப்பட்டுள்ளது.
துள்ளுவதோ இளமை படத்தின் மூலம் சினிமாவில் அறிமுகமான தனுஷ், காதல் கொண்டேன், திருடா திருடி, சுள்ளான், புதுக்கோட்டை, யாரடி நீ மோகினி, மாரி, மாரி 2 ஆகிய படங்களில் வரிசையாக நடித்துள்ளார்.
அண்மையில், அசுரன், பட்டாஸ் ஆகிய படங்கள் வெளியாகி ரசிகர்களிடையே நல்ல வரவேற்பு பெற்றது.
இந்த நிலையில், தற்போது ஜகமே தந்திரம் படத்தில் நடித்துள்ளார். கார்த்திக் சுப்புராஜ் இந்தப் படத்தை இயக்கியுள்ளார்.
ஜகமே தந்திரம் படத்தில் தனுஷ் உடன் இணைந்து சஞ்சனா நடராஜன், ஐஸ்வர்யா லெட்சுமி, கலையரசன், சின்னி ஜெயந்த் ஆகியோர் உள்பட சினிமா பிரபலங்கள் பலரும் இந்தப் படத்தில் நடித்துள்ளனர்.
ஒய் நாட் ஸ்டூடியோஸ் நிறுவனம் இந்தப் படத்தை தயாரித்துள்ளது. சந்தோஷ் நாராயணன் இந்தப் படத்திற்கு இசையமைத்துள்ளார்.
இந்தப் படம் கடந்த மே மாதம் வெளியாக இருந்த நிலையில், கொரோனா லாக்டவுன் காரணமாக, படத்தின் ரிலீஸ் தள்ளி வைக்கப்பட்டது. இந்த நிலையில், இந்தப் படம் குறித்து முக்கியமான தகவல் வெளியாகியுள்ளது.
வரும் ஜூலை 28 ஆம் தேதி தனுஷ் தனது 37 ஆவது பிறந்தநாளை கொண்டாடுகிறார். அவருக்கு பிறந்தநாள் டிரீட் கொடுக்கும் வகையில், வரும் ஜூலை 28 ஆம் தேதி ஜகமே தந்திரம் முதல் சிங்கிள் டிராக் ரகிட ரகிட ரகிட வெளியாக இருப்பதாக அறிவிக்கப்பட்டுள்ளது.
