கீர்த்தி சுரேஷின் பென்குயின் ரிலீஸ் தேதி அறிவிப்பு! கீர்த்தி சுரேஷ் நடிப்பில் உருவாகியுள்ள பென்குயின் படத்தின் ரிலீஸ் தேதி அதிகாரப்பூர்வமாக போஸ்டருடன் வெளியிடப்பட்டுள்ளது.
பென்குயின் படத்தின் ரிலீஸ் தேதி அதிகாரப்பூர்வமாக அறிவிக்கப்பட்டுள்ளது.
நாடு முழுவதும் கொரோனா வைரஸ் வேகமாக பரவி வருகிறது. தமிழகத்தில் குறிப்பாக சென்னையில் நாளுக்கு நாள் கொரோனா பரவல் அதிகரித்து வருகிறது.
கொரோனா காரணமாக வரும் 17 ஆம் தேதி வரையில் ஊரடங்கு உத்தரவு நீட்டிக்கப்பட்டுள்ளது. மேலும், நாளுக்கு நாள் அதிகரித்து வரும் கொரோனாவால் மேலும், புதிய வழிமுறைகளுடன் ஊரடங்கு நீட்டிக்கப்படும் என்று தெரிவிக்கப்பட்டுள்ளது.
இதன் விளைவாக சினிமா படப்பிடிப்புகள் ரத்து செய்யப்பட்டுள்ளது. மேலும், திரையரங்குகளும் மூடப்பட்டுள்ளன.
இதனால், புதிய படங்களின் ரிலீஸ் பாதிக்கப்பட்டுள்ளது. இதனால், பல தயாரிப்பாளர்களின் கவனம் எல்லாம், OTT பக்கம் திரும்பியுள்ளது.
இந்த நிலையில், தேசிய விருது பெற்ற மக்கள் செல்வி கீர்த்தி சுரேஷ் நடிப்பில் உருவாகியுள்ள பென்குயின் படம் ஜூன் மாதம் நேரடியாக அமேசான் பிரைமில் வெளியாகும் என்று அறிவிக்கப்பட்டுள்ளது.
ஆம், வரும் ஜூன் 19 ஆம் தேதி அமேசான் பிரைம் வீடியோவில் வெளியாக இருப்பதாக புதிய போஸ்டர் வெளியிட்டு அதன் மூலமாக தெரிவிக்கப்பட்டுள்ளது.
இயக்குநர் ஈஸ்வர் கார்த்திக் இயக்கத்தில், கார்த்திக் சுப்புராஜின் Stone Bench Films நிறுவனம் மற்றும் Passion Studios நிறுவனம் இணைந்து பென்குயின் படத்தை தயாரித்துள்ளனர். சந்தோஷ் நாராயணன் இந்தப் படத்திற்கு இசையமைத்துள்ளார்.
கீர்த்தி சுரேஷ் படம் என்பதால், இந்தப் படத்திற்கு ரசிகர்களிடையே அதிக எதிர்பார்ப்பு ஏற்பட்டுள்ளது என்பது குறிப்பிடத்தக்கது.
