Keerthy Suresh Selfie With Pet Dog; செல்ல நாய்க்குட்டியுடன் செல்ஃபி எடுத்த கீர்த்தி சுரேஷ்! நடிகை கீர்த்தி சுரேஷ் ஜிம்மில் உடற்பயிற்சி செய்து முடித்த பிறகு நாய்க்குட்டியுடன் செல்ஃபி எடுத்துள்ளார். அந்தப் புகைப்படத்தை இன்ஸ்டாகிராம் பக்கத்தில் பதிவிட்டுள்ளார்.
நாய்க்குட்டியுடன் செல்ஃபி எடுத்த கீர்த்தி சுரேஷின் புகைப்படம் சமூக வலைதளங்களில் வைரலாகி வருகிறது.
கொரோனா காரணமாக வரும் மே 3 ஆம் தேதி வரை ஊரடங்கு உத்தரவு நீட்டிக்கப்பட்டுள்ளது.
இதனால், சினிமா படப்பிடிப்புகள் ரத்து செய்யப்பட்டுள்ளது. எனினும் சினிமா பிரபலங்கள் வீட்டிற்குள்ளேயே பிஸியாக இருக்கின்றனர்.
கொரோனா லாக்டவுனில் சினிமா பிரபலங்கள் பலரும், சமையல், துணி துவைப்பது, வீட்டை சுத்தம் செய்வது, ரசிகர்களுடன் சமூக வலைதளங்களில் உரையாடுவது, புத்தகம் படிப்பது, ஓவியம் வரைவது, போட்டோஷூட் செய்வது என்று பிஸியாக இருக்கின்றனர்.
அந்த வகையில், தமிழ் சினிமாவில் முன்னணி நடிகைகளில் ஒருவராக வளர்ந்த நடிகை கீர்த்தி சுரேஷ் ஜிம்மில் இருக்கும் போது நாய்க்குட்டியுடன் செல்ஃபி எடுத்துள்ளார்.
அப்போது எடுத்த புகைப்படத்தை தனது இன்ஸ்டாகிராம் பக்கத்தில் பதிவிட்டுள்ளார்.
அதில், எனது பையனுக்கு போர் அடிக்கும்போது, நான் அதை பார்த்து சந்தோஷப்படுகிறேன் என்று குறிப்பிட்டுள்ளார்.
அவர் பையன் என்று குறிப்பிட்டது செல்லமாக வளர்த்து வரும் நாய்க்குட்டி. அந்தப் புகைப்படம் சமூக வலைதளங்களில் வைரலாகி வருகிறது.
