மாஸ்டர் படத்தில் கார் சேஸிங் காட்சி இருக்கு: ஆண்ட்ரியா! விஜய் நடித்துள்ள மாஸ்டர் படத்தில் கார் சேஸிங் காட்சி இருக்கிறது என்று நடிகை ஆண்ட்ரியா தெரிவித்துள்ளார்.
தளபதி விஜய் நடித்துள்ள மாஸ்டர் படத்தில் கார் சேஸிங் சீன் இருக்கிறது என்று ஆண்ட்ரியா தெரிவித்துள்ளார்.
கண்ட நாள் முதல் படத்தின் மூலம் சினிமாவில் அறிமுகமானவர் நடிகை ஆண்ட்ரியா.
ஆயிரத்தில் ஒருவன், மங்காத்தா, விஸ்வரூபம், அரண்மனை, ஆம்பள, இது நம்ம ஆளு, துப்பறிவாளன், அவள், வட சென்னை என்று பல படங்களில் நடித்துள்ளார்.
தற்போது விஜய் நடிப்பில் உருவாக்கப்பட்டுள்ள மாஸ்டர் படத்தில் ஆண்ட்ரியா நடித்துள்ளார். ஆனால், என்ன கதாபாத்திரத்தில் நடிக்கிறார்? யாருக்கு ஜோடியாக, நடிக்கிறார்? என்ற தகவல் இதுவரை வெளியாகவில்லை.
இந்த நிலையில், மாஸ்டர் படம் குறித்து தனது அனுபவத்தை பகிர்ந்துள்ளார். இது குறித்து அவர் கூறுகையில், மாஸ்டர் படத்தின் படப்பிடிப்பிற்கு பிறகு தான் விஜய்யின் தீவிர ரசிகையாக மாறிவிட்டேன் என்று கூறியுள்ளார்.
மேலும், மாஸ்டர் படத்தில் தங்களுக்கு கார் சேஸிங் காட்சி இருக்கிறது என்றும், அந்த காட்சி தனக்கு மறக்க முடியாத காட்சி என்றும் தெரிவித்துள்ளார்.
கடந்த ஏப்ரல் மாதம் மாஸ்டர் படம் திரைக்கு வர வேண்டியது. ஆனால், கொரோனா லாக்டவுன் காரணமாக மாஸ்டர் படத்தின் போஸ்ட் புரோடக்ஷன் பணிகள் அனைத்தும் முடக்கப்பட்டது. தற்போதுதான் மாஸ்டர் போஸ்ட் புரோடக்ஷன் பணி தொடங்கப்பட்டுள்ளது.
இதையடுத்து, லாக்டவுனுக்குப் பிறகு மாஸ்டர் படம் வரும் தீபாவளி பண்டிகையை முன்னிட்டு திரைக்கு வரும் என்று கூறப்படுகிறது.
மாஸ்டர் படத்தில், விஜய் இருவேறு கதாபாத்திரங்களில் நடித்துள்ளார் என்றும், மாஸ்டர் உண்மைக் கதையை மையப்படுத்தி படம் என்றும் தகவல் வெளியானது என்பது குறிப்பிடத்தக்கது.
