Master Second Single; மாஸ்டர் இரண்டாவது சிங்கிள் டிராக் குறித்து அறிவிப்பு வந்துள்ளது.
விஜய் நடிப்பில் உருவாகியுள்ள மாஸ்டர் பட வரும் ஏப்ரல் 9 ஆம் தேதி வெளியாகவுள்ள நிலையில், மாஸ்டர் படம் குறித்து தொடர்ந்து அப்டேட் வந்து கொண்டே இருக்கிறது.
மாஸ்டர் படத்தின் படப்பிடிப்பு முடிக்கப்பட்ட நிலையில், போஸ்ட் புரோடக்ஷன் பணிகள் விறுவிறுப்பாக நடந்து வருகிறது.
மாஸ்டர் (Master)
பிகில் படத்திற்கு கிடைத்த வரவேற்பைத் தொடர்ந்து விஜய், தளபதி64 படமான மாஸ்டர் படத்தில் நடித்துள்ளார். அதுவும், கல்லூரி பேராசிரியராகவும் நடித்துள்ளார் என்று கூறப்படுகிறது.
குட்டி ஸ்டோரி (Master First Single)
கடந்த சில வாரங்களுக்கு முன்பு மாஸ்டர் படத்தின் முதல் சிங்கிள் டிராக் குட்டி ஸ்டோரி பாடல் லிரிக் வீடியோ வெளியாகி உலகம் முழுவதும் வைரலானது.
இதையடுத்து, மாஸ்டர் இரண்டாவது சிங்கிள் டிராக் (Master Second Single) எப்போது வெளிவரும் என்று ரசிகர்கள் ஆவலுடன் காத்துக்கொண்டிருந்தனர்.
இந்த நிலையில், இது குறித்து தயாரிப்பு நிறுவனமான எக்ஸ்பி கிரியேட்டர்ஸ் நிறுவனம் அறிவிப்பு வெளியிட்டுள்ளது.
மாஸ்டர் இரண்டாவது சிங்கிள் (Master Second Single)
அதில், மாஸ்டர் இரண்டாவது சிங்கிள் டிராக் விரைவில் வெளிவரும் என்று தெரிவித்துள்ளது.
மாஸ்டர் படத்தின் இசை வெளியீட்டு விழா வரும் 15 ஆம் தேதி மாலை 6.30 மணிக்கு நடைபெறும் என்று அறிவிக்கப்பட்டது.
ஆனால், எங்கு என்று அறிவிக்கப்படவில்லை. இதற்கிடையில், விஜய் குறுகிய கால சுற்றுலாவாக வெளிநாட்டிற்கு சென்றுள்ளார். சென்னை விமான நிலையத்திலிருந்து அவர் புறப்படும் வீடியோ ஒன்று சமூக ஊடகங்களில் வைரலானது.
மாஸ்டர் இரண்டாவது சிங்கிள், மாஸ்டர் இசை வெளியீடு ஆகியவற்றைத் தொடர்ந்து மாஸ்டர் டிரைலர் வெளிவரும் என்று எதிர்பார்க்கப்படுகிறது.
தளபதி65 (Thalapathy65)
மாஸ்டர் படம் வெளியான பிறகு விஜய், தனது 65 ஆவது படமான தளபதி65 படத்தில் நடிக்க இருக்கிறார்.
இப்படத்தை இயக்குநர் சுதா கொங்காரா இயக்க இருப்பதாக கூறப்படுகிறது. ஆனால், தளபதி65 குறித்து அதிகாரப்பூர்வ அறிவிப்பு இதுவரை வெளியாகவில்லை.
தற்போது உலகமே மாஸ்டர் இசை வெளியீட்டு விழாவிற்காக காத்துக்கொண்டிருக்கிறது. ஆம், அதில், விஜய்யின் பேச்சைக் கேட்க சினிமா பிரபலங்கள் முதல் கோடான கோடி ரசிகர்கள் வரை பலரும் ஆவலுடன் இருக்கின்றனர் என்பது குறிப்பிடத்தக்கது.
