Nayanthara Marriage; நயன்தாராவிற்கு திருமணம் ஆகிவிட்டது போன்றும், அவர் நகைகளை அணிந்தபடி மணக்கோலத்தில் இருப்பது போன்றும் ஒரு புகைப்படம் சமூக வலைதளங்களில் வைரலாகி வருகிறது.
தமிழ் சினிமாவில் லேடி சூப்பர்ஸ்டார் என்று அழைக்கப்படுபவர் நடிகை நயன்தாரா. 35 வயதாகிவிட்ட நிலையிலும் இன்னும் படங்களில் முன்னணி நடிகையாக, நம்பர் ஒன் நடிகையாகவே நடித்துக் கொண்டிருக்கிறார். சம்பளமோ பல கோடி.
முதலில் நடிகர் சிம்புவை காதலித்து வந்ததாகவும், அவர்களுக்கு இடையில் கருத்து வேறுபாடு ஏற்பட்டு இருவரும் பிரிந்து விட்டதாகவும் தகவல் வந்தது.
தொடர்ந்து டான்ஸ் மாஸ்டரும், நடிகரும், இயக்குநருமான பிரபு தேவாவுடன் நெருக்கமாக இருந்தார்.
இருவருமே விரைவில் திருமணம் செய்து கொள்ளப்போவதகாவும் தகவல் வந்தது. இவ்வளவு ஏன், பிரபு தேவாவின் பெயரைக் கூட பச்சைக்குத்திக் கொண்டார் என்று கூறப்பட்டது.
அந்த உறவிலும் விரிசல் ஏற்படவே, தற்போது இயக்குநர் விக்னேஷ் சிவனுடன் காதல் வாழ்க்கையில் பரபரப்பாக சென்றுகொண்டிருக்கிறார்.
இருவருமே பொது இடங்களில் அதிகளவில் தென்படுகின்றனர். புத்தாண்டு, பிறந்தநாள் கொண்டாட்டம், கோயில் விழா என்று எங்கு சென்றாலும் இருவருமே ஒன்றாகத்தான் சென்று வருகின்றனர்.
கடந்த ஆண்டே விக்னேஷ் சிவன், நயன்தாரா (Nayanthara Vignesh Shivan) இருவரும் திருமணம் செய்து கொள்ள இருப்பதாக கூறப்பட்டது.
இதற்கிடையில், நயன்தாராவிற்கு கடந்த 2019 ஆம் ஆண்டிற்குள் திருமணம் நடந்துவிடும் என்று பிரபல ஜோதிடர் கருத்தும் தெரிவித்திருந்தார்.
ஆனால், அவரது கருத்து உண்மையாகிவிட்டதோ என்று தோன்றும் அளவிற்கு நயன்தாராவிற்கு ரகசியமாகத் திருணம் நடந்துவிட்டது என்றும், நயன்தாரா சிகப்பு நிற சேலையில் நகைகள் அணிந்தவாறு மணக்கோலத்தில் இருப்பது போன்றும், கழுத்தில் தாலி இருப்பது போன்ற ஒரு புகைப்படம் உலா வந்து கொண்டிருக்கிறது.
இதை வைத்துப் பார்க்கும் பொழுது நயன்தாராவிற்கு திருமணம் நடந்து முடிந்துவிட்டது என்று தகவல் பரவி வருகிறது. அந்தப் புகைப்படத்தை பார்த்தவுடன் அதிர்ச்சியாகிவிட்டது.
அதன் பிறகு அந்த புகைப்படத்தை ஆராய்ந்து பார்க்கும் பொழுது அது நிவின் பாலி மற்றும் நயன்தாரா நடிப்பில் வந்த ‘லவ் ஆக்ஷன் டிராமா’ என்ற படத்தின் படப்பிடிப்பு காட்சி என்று தெரியவந்துள்ளது.
ஆம், தயான் ஸ்ரீனிவாசன் இயக்கத்தில் நிவின் பாலி, நயன்தாரா ஆகியோரது நடிப்பில் கடந்த ஆண்டு செப்டம்பர் மாதம் திரைக்கு வந்த படம் லவ் ஆக்ஷன் டிராமா.
ரொமாண்டிக் காமெடி கதையை மையப்படுத்தி லவ் ஆக்ஷன் டிராமா படத்திற்கு ரசிகர்களிடையே நல்ல வரவேற்பு வந்தது. நிவின் பாலி, நயன்தாராவின் நடிப்பிற்கும் பாராட்டு குவிந்தது.
லவ் ஆக்ஷன் டிராமா படத்தின் இறுதியில் நிவின் பாலி, நயன்தாரா இருவருமே காதலித்து திருமணம் செய்து கொள்வார்கள். அதற்காக எடுத்த புகைப்படம் பல மாதங்களுக்குப் பிறகும் வைரலாகி வருகிறது.
Nayanthara Marriage
தற்போது நயன்தாராவை மணக்கோலத்தில் கண்டுள்ள ரசிகர்கள் அவருக்கு எப்போதுதான் திருமணம் நடக்கும் என்றும், அவரை விக்னேஷ் சிவனுடன் திருமண கோலத்தில் பார்ப்பதற்கு ஆசையாக இருக்கிறது என்றும் கருத்து தெரிவித்து வருகின்றனர் என்பது குறிப்பிடத்தக்கது.
