Nivetha Pethuraj; டுவிட்டரில் போலி அக்கவுண்ட்: நிவேதா பெத்துராஜ் வேதனை! தனது பெயரில் போலி டுவிட்டர் அக்கவுண்ட் இருப்பதைக் கண்ட நிவேதா பெத்துராஜ் வேதனை தெரிவித்துள்ளார்.
ஒருநாள் கூத்து படத்தின் மூலம் சினிமாவில் அறிமுகமானவர் நடிகை நிவேதா பெத்துராஜ். இப்படத்தைத் தொடர்ந்து, டிக் டிக் டிக், திமிரு புடிச்சவன், சங்கத்தமிழன் ஆகிய படங்களில் நடித்துள்ளார்.
தமிழில், வளர்ந்து வரும் நடிகைகளில் இவரும் ஒருவராக திகழ்கிறார். தற்போது பொன்மாணிக்கவேல், பார்ட்டி, ஜகஜால கில்லாடி ஆகிய படங்களில் நடித்து வருகிறார்.
தமிழைத் தொடர்ந்து, தெலுங்கு சினிமாவிலும் ஒரு சில படங்களில் நடித்துள்ளார்.
எப்போதும், சமூக வலைதளங்களில் பிஸியாக இருக்கிறார். அப்படியிருக்கும் போது கொரோனா லாக்டவுன் காரணமாக தொடர்ந்து சமூக வலைதளங்களில் ஆக்டிவாக இருந்துள்ளார்.
இந்த நிலையில், டுவிட்டரில் தனது பெயரில் போலி அக்கவுண்ட் இருப்பதைக் கண்டு அதிர்ச்சி அடைந்துள்ளார்.
இது குறித்து அவர் வெளியிட்டுள்ள வீடியோவில், நான் டுவிட்டரில், @nivetha_tweets என்ற அக்கவுண்டை மட்டுமே வைத்திருக்கிறேன்.
எனது பெயரில் பல போலியான டுவிட்டர் அக்கவுண்ட் இருப்பதால் தான் இந்த வீடியோவை நான் வெளியிடுகிறேன். டுவிட்டர் நிறுவனமும் போலியான டுவிட்டர் அக்கவுண்டுகளை நீக்குவதற்குரிய நடவடிக்கைகளை எடுத்து வருகிறது.
ஆனால், கொரோனா லாக்டவுன் காரணமாக அதற்கு கொஞ்ச நாட்கள் ஆகலாம். மேலும், எனது டுவிட்டர் அக்கவுண்டை அதிகாரப்பூர்வமாக்குவதற்கு சில காலம் கூட எடுக்கும். எனவே, @nivetha_tweets என்ற டுவிட்டர் அக்கவுண்டை மட்டுமே பின் தொடருங்கள் என்று தெரிவித்துள்ளார்.
