RajaParvai Trailer: ராஜபார்வை டிரைலர் வெளியாகியுள்ளது. த்ரில்லர் கதையை மையப்படுத்திய ராஜபார்வை படத்தில் வரலட்சுமி சரத்குமார் கண்பார்வை அற்றவராக நடித்துள்ளார்.
தமிழ் சினிமாவில் முன்னனி நடிகைகளில் ஒருவராக இருப்பவர் நடிகை வரலட்சுமி சரத்குமார். விக்னேஷ் சிவன் இயக்கத்தில் சிம்பு நடிப்பில் வந்த போடா போடி படத்தின் மூலம் சினிமாவில் அறிமுகமானார்.
இப்படத்தைத் தொடர்ந்து, தாரை தப்பட்டை, விக்ரம் வேதா, நிபுணன், சத்யா, சண்டக்கோழி 2, சர்கார், மாரி 2, நீயா 2 ஆகிய படங்களில் நடித்துள்ளார்.
தமிழைத் தவிர, தெலுங்கு, மலையாளம், கன்னடம் ஆகிய மொழிகளிலும் ஒரு சில படங்களில் நடித்துள்ளார்.
RajaParvai Trailer
இந்த நிலையில், தற்போது ராஜபார்வை என்ற படத்தில் நடித்து வருகிறார். அதிலும், கண்பார்வை தெரியாத ஒருவராக நடித்து வருகிறார். ஹீரோயினுக்கு முக்கியத்துவம் வாய்ந்த இந்தப் படத்தின் டிரைலர் வெளியாகியுள்ளது.
இந்த டிரைலரில், ஒரு புறம் பல ரௌடிகளை புரட்டி எடுத்து, உடற்பயிற்சியும் செய்கிறார் வரலட்சுமி சரத்குமார். மற்றொரு புறம் போலீசார் யாரை தேடிக்கொண்டிருப்பது போன்று காட்டப்பட்டுள்ளது.
கண்பார்வையற்ற கதாபாத்திரம்
முழுக்க முழுக்க த்ரில்லர் கதையை மையப்படுத்திய இப்படத்திற்கு அதிகளவில் வரவேற்பு கிடைக்கும் என்று எதிர்பார்க்கப்படுகிறது.
இதற்கு முன்னதாக மிஷ்கின் இயக்கத்தில் உதயநிதி ஸ்டாலின் நடிப்பில் வந்த சைக்கோ படத்தில் உதயநிதி ஸ்டாலின் கண்பார்வையற்றவராக நடித்து ஹீரோயினை சைக்கோவிடமிருந்து காப்பாற்றுவார்.
தற்போது அதே போன்ற ஒரு கதாபாத்திரத்தில்தான் வரலட்சுமி சரத்குமாரும் நடித்து வருகிறார் என்பது குறிப்பிடத்தக்கது.
Gypsy Sneak Peek: ஸ்டேஷனில் நடக்கும் சம்பவம்!
ராஜபார்வை படத்தில் வரலட்சுமி சரத்குமாருடன் இணைந்து ரவி கலே, பரத் ரெட்டி, சுமித்ரா, தலைவாசல் விஜய், பிளாக் பாண்டி ஆகியோர் பலர் நடித்துள்ளனர்.
ஜேகே இந்தப் படத்தை இயக்கியுள்ளார். ரவி பஸ்ரூர் இந்தப் படத்திற்கு இசையமைத்துள்ளார். இவர் இதற்கு முன்னதாக கேஜிஎஃப் படத்திற்கு இசையமைத்திருந்தார் என்பது குறிப்பிடத்தக்கது. விரைவில் இந்தப் படம் திரைக்கு வருகிறது.
வெல்வெட் நகரம்
அதற்கு முன்னதாக வரலட்சுமி சரத்குமார் நடிப்பில் உருவாகியுள்ள வெல்வெட் நகரம் வரும் 6 ஆம் தேதி திரைக்கு வருகிறது.
இந்தப் படத்துடன் இணைந்து காலேஜ் குமார், எட்டுத்திக்கும் பற, ஜிப்ஸி, இந்த நிலை மாறும், பொன் மாணிக்கவேல் ஆகிய படங்களும், இம்சை அரசி, முரட்டு சிங்கம் ஆகிய டப்பிங் படங்களும் திரைக்கு வருகின்றது என்பது குறிப்பிடத்தக்கது.
